TAM ARANG: SENANG LIHAT KEHEBATAN SETYA NOVANTO
“Tam…., kok kito bahas dalam ota kito pagi ko masalah Setya Novanto, lai ka nyambung ang Tam?” tanya Utiah Kapeh kepada Tam Arang, memulai perbincangan pagi ini di Lapau Mak Gambuang.
“Nde yei…, barek ota kito pagi ko tu, Tiah?”
“Lai ka taikuik-an di ang?”
“Sekedar ota di Lapau Mak Gambuang, apo salahnyo. Buliah ado variasi ota awak stek, Kito bahas pulo masalah nasional sakali sakali. Bosan awak carito lokal taruih.”
“Kalau Cuito lokal nan hangek masalah wacana tantang pengalihan kota Painan, masih balaruik laruik. Kabanyo pagi ko pemuda Cinta Nagari Painan ka mahadok ketua DPRD Pessel.”
“Alah mah carito wacana tu, Kito bahas masalah Setya Novanto nan lah ditetapkan KPK jadi tersangka?”
“Kalau lah ditetapkan jadi tersangka tu, berarti lah ado 2 alat bukti nan nyo pacik di KPK tu yo?”
“Aden masalah hukum ko, indak lo abeh bana di Den doh. Tapi KPK tu dalam manatapkan seseorang jadi tersangka itu bukan main-main tu, sangat hati hatinyo tu mah. Hanyo kasus Budi Gunawan KPK nan kalah katiko di praperadilan. Salabiahnyo satiok praperadilan ndak ado KPK tu nan kalah doh. Batuah sadonyo. Dan satiok nan lah di sidangkan selalu berakhir dengan hakim mamvonis bersalah kapado tersangka nan baurusan samo KPK.”
“Kini nan kito bahas bukan masalah KPK, tapi pak Setya Novanto ko a. Sanang den samo baliau tu, cadiak dan urang kuat bana liau tu.”
“Ba’a kok ang katoan kuek bana?”
“Liau bisa mamasuang MKD (Majelis Kehormatan Dewan) sahinggo tak talok mambuek keputusan. Walaupun baliau tu dulu lah disidangkan. Karano Ndak ado putusan dalam kasus papa minta saham, berakhir maso jabatan Bang Ical, langsung nyo jadi Ketua Partai Golkar.”
“Dek cadiaknyo juo, urang jadi ketua partai non aktif di DPR, Tibo di baliau tu, liau pupuah kaduo duonyo, ketua Partai iyo, ketua DPR RI iyo juo. Kan cadiak tu.”
“Tapi nan ka diingek dek Apak Apak awak nan bapangkek ko, Jan lah akok bana ka pangek ko.. Kalau nyo cabuik dek ALLAH SWT, Habih sado e. Tu kini Uda Setya Novanto, awak jatuh dihimpik dek janjang sudah tu kanai tarajang lo dek kawannyo sabanta lei tumah.”
“Politik….politik…politik…, sekejap sajo kawan bisa jadi lawan ndak Tiah,” kata Tam Arang.”
“Ancak co awak lei Tam.. Acok batangka tapi tak pernah putuih badusanak,” ujar Utiah Kapeh mengakhiri otanya pagi ini. Mereka takut membahas lebih dalam lagi. Takut nanti dinilai ada kata kata ujaran kebencian. Sementara Setya Novanto meski sudah dinyatakan sebagai tersangka belum dijeblos ke kadang situmbin KPK yang membuat koruptor sering merana tapi tak juga jera jera.
