“Tam…, urang kini lah heboh dek garam balinyo maha.” kata Utiah Kapeh memulai perbincangan ringan mereka menemani minum pagi di Lapau Mak Gambuang di pagi Minggu ini (30/7).

“Iyo den danga baitu, tapi bini den lai ndak mangaluah doh, Rp 10 ribu bana garam ko sakilo pupuah lah dek nyo. Sabab pitih juo nan ka painyo. Itu lo nan ang pikiakan mah.”

“Ba’a lo den  indak ka bapikia kareh dek ang nyo Tam, kalau maha garam ko, maha ikan asin jadinyo.”

“Ba’a mangko maha tu Tiah. Ndak baproduksi ladang garam dusanak awak nan di Mudara lei?”

“Ko nan ndak dapek kaba den. Sehinggo kini lai tantu di-ang hargonyo dari Rp 3000,- naik manjadi Rp 5000,-. Nan bedonyo langka pulo garam ko, basilakeh dan barabuik mambalinyo.”

“Den heren juo dek Tiah, awak laweh punyo  lawik. Tapi garam ka di impor lo. Ndak masuak caritonyo lei.”

“Ado kawan Pak YY, namonyo Yan Abdulah di FB batuka Namo manjadi Yan Abe dulu Yan Abe ko Ketua PWI Sumbar, katonyo awak lah takicua dinan Tarang.”

“Apo tu takicua dinan tarang, judul lagu tu mah, lagu kesanangan den Bana tu.”

“Di Madura dulu banyak tabek garam, produksi banyak. Tapi dek ado kampanye makan garam harus garam nan bayidium, sehingga garam dusanak awak di Madura tu ndak laku lei. Akibatnyo sumangek sumangek untuk baladang garam bakurang. Padahal garam kampuang tu murah dek tubuah menuyerapnyo karano diproduksi secara alami.”

“Kalau garam bayidium kan dianjurkan supayo anak anak kito Jan kanai panyakik baguak kalau nyo lah gadang. Istilahnya panyakik bangkak lihie tu menuruik medis adolah  tiroid.”

“Tu ba’a lei Tiah, apo solusinya kelangkaan garam tu?”

“Lah nyo kecekkan dek Presiden Jokowi bahaso inyo maagiah kesempatan para panggaleh ekspor impor atau eksportir untuk maimpor garam tu.”

“Rancak mah Tiah, supayo garam ko lai ado dipasaran. Nan cameh awak ndak ado barang ko. Bilo Ndak ado disitulah den anggap barang tu maha. Tapi selagi ado barang naik hargonyo dari biaso den anggap itu biaso.”

“Waang bantuak urang kayo buliah indak bana mah Tiah.”

“Habis ka manga awak Lei di-ang. Awak ko manuruik apo nan kadibuek di nan cadiak cadiak sajo. Nan lalok makana n jago, kan baitu istilahnyo.”

“O iyolah kalau macam itu. Nan penting jan sampai hamba gulai manih bini den dek mahanyo hargo garam. Iyo sarupo itu Tiah?”

“Pas Bana. Maaantaaaff,”

“Okey habihkan kopi ang tu Lei Kito ka sawah  lu, Jan habih hari dek maota sajo hasil ndak ado,” ujar Tam Arang mengingatkan Utiah Kapeh yang suka ma ota lamak setiap pagi di Lapau Mak Gambuang..

By Pilar