Tam Arang Dan Utiah Kapeh Terkait Video Viral Kepala Dinas Pasar Kota Padang

Di foto ini terlihat bapak kepala dinas sangat akrab dikerubuti oleh PKL Kampung Jawa Padang.

“Kapalo Samo babulu 

Pandapek balain lain”

DIATAS adalah  pantun jenaka lama sering diucapkan  orang awak Minang apabila terjadi beda pendapat. Kenapa pantun jenaka itu bisa muncul? Karena orang Minang itu sangat demokratis dan sangat menghargai perbedaan.  Ini pendapat pribadi ambo yang tidak bisa dipertanggungjawabkan ke-ilmiahan-nya, terkait adanya pantun jenaka diatas.

Pantun jenaka itu terucapkan kembali oleh Utiah Kapeh dalam “ota kareh-nya” menjelang masuknya waktu sholat subuh dihari Selasa (1/7).

“Den Tam a…, ndak sato berang ka pak kapalo Dinas Pasa Kota Padang nan mengamuak dan  videonya viral tu doh.”

“Ba’a ko indak Tiah? Berarti ang ndak punyo perasaan aluih tu do, kasa ang namonyo tumah. Lah jaleh amak amak panggaleh tu nyo pedagang kaki limo, modal nyo ketek, bajaga Pisang, Cubadak dan Sayua mayua, nyo palantiangkan dek apak Kapalo Dinas pasa, kan rugi Amak Amak tu Tiah?”

“Kok disabuik rugi iyo mah, tapi kan lah ado aturannya, supayo jan bajaga di tapi jalan, bisa mengganggu urang Lalulinteh. Tapi Amak Amak tu indak mampadulikannyo, Mako beranglah Kapalo Dinas itu. Viral vidionyo di Facebook.”

“Jan dek karano pedagang kaki limo. Lalu bebas sampai gue. Kalau macam itu awak bapandapek bilo ka taratik nyo masyarakat awak ko. Mentang mentang ketek, bansek lalu bebas malangga aturan, itu nan ka tuju di-ang?”

“Ndak lo macam itu doh. Caro nan dilakukan pak Kapalo Dinas tu agak aktraktif saketek. Cubadak  tu sajo liau hampehkan kuek kuek agak ciek alah mah,  ko ndak, pisang nyo patumbinkan juo diapak tu. Untuang Amak Amak tu lai saba, kok tasuo jo Amak Amak nan agak mantiak dan gilo gilo ranang saketek, nyo talanjangi di amak tu tambah rumik jadinyo pak Kapalo Dinas.”

“Kini lah salasai persolan itu,  lah saling mamaafkan. Amak Amak nan bajaga  tu maraso salah,  pak Kapalo Dinas juo maraso salah. Mereka saling maafkan.”

“Lai sampai disitu masalah tu Tiah.”

“Ko ka den ang tanyokan, lah salasai namonyo mah. Tapi kok ado lo, anggota dewan atau LSM nan bakamentar kareh, tasarah dimereka pulo lah. Memang itu karajonyo, maagiah agiah komentar tu.”

“A tujuan nyo tu Tiah?”

“Ujuang ujuangnyo kok dapek kandak hati urang urang nan sok jadi malaikat tu tuka Kapalo Dinas?”

“Tu lai amua pak walikota?”

“Kok itu ang tanyokan ka den,  iyo  ndak tahu den tu doh. Tu gawe walikota mah. Kok ka nyo pakai taruih atau ka indak.”

“Kok den jadi walikota, den caliak dulu apo reaksi kawan kawan Amak tu, kok demo baru diparantian, tapi kok lai aman, manga ka dipapanjang karajo nan lah salasai?”

“Kini tukang kipeh baro nan banyak, Tam. Nan lah puduah kok dapek hiduk Nyalo api ko baru sanang hati kawan kawan tu.”

“Ooow baitu Tiah? Itu tando nyo jabatan tu pitih dan kehormatan.  Urang barabuik mancarinyo, Main tarajang dan main  dongkak kalau paralu.”

“Ke lah awak ka Musajik lei,” ajak Tam Arang sambil berkata:  Bangun…, bangun…,bangun..  Jago lei Apak Apak ka Musajik Wak subuh ko yo pak…..