LAGI LAGI KASUS PENGUNDURAN DIRI KEPALA SD (Berita hoax)
“Tam.., den ado berita lamak pagi ko. Namuah ang mandanga ndak,” kata Utiah Kapeh kepada Tam Arang begitu dia selesai meneguk sesendok teh kopi manis di Lapau Mak Gambuang, pagi ini Minggu (6/8).
“Apo tu Tiah, den amua sajo mandanga carito waang tu nyo. Sabab carito waang ko lamak didanga, informasi baguno bagi pejabat nan kaambiak keputusan.”
“Kaba ko dan tarimo malam tadi.”
“Kaba apo tu?”
“Kaba tantang 49 urang kapalo SD di Kecamatan Bunga Mekar nan mengundurkan diri dari jabatannyo.”
“Oow. ado pulo nan maniru kepala SD di IV Jurai tu?”
“Nampaknya ado pulo, malah labiah banyak dari nan di Kacamatan IV Jurai, kabupaten Pesisir Selatan itu.”
“Kecamatan Bunga Mekar ko dimano kabupaten dan provinsi, Tiah?”
“Onde… Ndak tahu ang Kecamatan Bunga Mekar itu kabupaten dan provinsi nyo?”
“Indak.”
“Kecamatan Bunga Mekar tu talatak di Kabupaten Garis Pantai, Provinsi Sumber Jaya.”
“Dimano lataknyo tu?”
“Kini Ndak penting lataknyo. Beko caliak di globe, kalau ndak cari di Geogle basuo tu mah?”
“Jadi nah…, Beko den caliak pakai HP bini den lai gak canggih sakatek dari pado HP den ko.”
“Kasusnyo samo bana Jo nan di IV Jurai tu, Samo Samo ingin Kepalo SD tu tak memakai Bendahara bilo nyo mangalola Dana TOS tu.”
“Dana BOS di Kecamatan Mekar Jaya itu namonyo dana TOS?”
“Iyo.”
“Tu ba’a caritonyo lei?”
“Kapalo SD di Bungo Mekar itu, maraso manyasa lah Maneken surat pengunduran diri itu. Nyo katokan ka pak Dinas nyo, Bahaso inyo maneken karano ado nan marayu.”
“Jadi ndak murni keinginan Kapalo SD tu, tu?”
“Indak…., dek kawan lah banyak menekan, nyo teken pulo, takuik beko ketinggalan dari kawan kawan nan lai. Apalai nan manyuruah maneken adolah adiak dek orang penting di Kabupaten Garis Pantai.”
“Jadi sia Namo adiak urang penting Kabupaten Garis Pantai tu Tiah.”
“Yo ndak jaleh di den doh, sia namonyo.”
“Terus ba’a lei?”
“Kini lah maraso manyasa Kapalo Kapalo SD di Kecamatan Bunga Mekar.”
“Tu baa tantang pengunduran diri Kapalo sekolah nan maraso takicau atau ikut ikutan itu?”
“Kebijakan nan diambiak dek Kapalo Dinas nyo banamo Pak Zulkarnain Gobel, urang urang tu diangkek baliak jadi Kapalo sekolah. Bagi nan batindak sebagai sebagain makelar dan agen provokatornyo iyo ndak diagiah ampun.”
“Ow kalau baitu ado kepala sekolah di Bunga Mekar itu jadi korban politik yo Tiah?”
“Iyo.. Kalau jadi Samuik bilo gajah bacakak Samo Gajah, Samuik jauh jauh lah, Jan mandekek beko tainjak injak.”
“Samuik nan mandakek wakatu Gajah bacakak itu Samuik Caluang namonyo, Tiah.”
“Ba’a kok Samuik Caluang katoan.”
“Sabab pangano kalau ado Mani Gajah NA taserak kan langsung nyo lukap.”
“Ooowww…”
“Kalau di Kecamatan IV Jurai ba’a?”
“Mukasuik ang?”
“Ado pulo nan memprovokasi kepala sekolah itu harakiri?”
“Harakiri ko apo?”
“Mangundurkan diri.”
“Antahlah ndak tahu den doh. Kito tanyokan ka wartawan, Mano tau lah tacium diwartawan ado nan bamain dibalik pengunduran diri Kapalo SD IV Jurai.”
“Ko iyo ado nan bamain. Lakeh lab habiskan kopi ang tu lei. Jan main main juo lei. Kasawah wak manggaro Buruang Mondua kini lah banyak pulo,” kata Utiah Kapeh. Burung Mondua itu sejenis burung pipit dibagian kepalanya berbulu putih, burung ini jika tidak digaro bisa mengurangi produksi tanaman padi di daerah Tam Arang dan Utiah Kapeh.
