“Tam…, kato pak Wakil Presiden JK, pengunaan dana desa kok dapek diumumkan di Musajik, buliah tahu masyarakat, utuak apo sajo dana desa itu digunakan ,” kata Utiah Kapeh kepada Tam Arang saat mereka minum kopi pagi di pojok salah satu rumah sakit di kota Pakanbaru Kamis pagi ini (10/8).

“Alun pak JK memunculkan keinginannyo tu, penggunaan dana desa Di Kecamatan awak Kecamatan Bunga Mekar,  lah lamo saroman itu,” jawab Tam Arang.

“Iyo pak JK mancotoh Kecamatan awak, sabab waktu baliau bakunjuang ka Nagari awak, pas hari Jum’at, di Musajik sabalum Khatib naik mimbar,  wali nagari tampil maumumkan penggunaan dana desa, apo sajo nan dikarajokan dan sudah sejauh mano pelaksanaan proyek Nagari itu salasainyo. Kemudian bara dana nan digunokan. Caro nan saroman itu nyo caliak dan danga dek pak JK makonyo pak JK mancotoh ka  Walinagari awak, bahaso panggunaan dana daun di nagari awak ko diumumkan sacaro tabuka sajo laporan kauangannyo.”

“Lai ado nagari lain nan samo saroman nagari awak ko Tiah?”

“Nagari tetangga awak mano macam itu, pitih dana desa antah kama kama sojo nyo gunokan, masyarakat Mano pulo tahu, bamus dibaok lalu sajo. Kalau sekedar dana desa sajo nan nyo lantuamg, syukur juo lah, ko  bareh miskin nyo puga juo,  Ndak nyo bagikan ka warganyonyo. Nyo jua ka panggaleh bareh.”

“Dima nagarinyo tu?”

“Ado nan manjua bareh miskin tu?”

“Ado lah, tapi tantu ndak ka den sabuikkan pulo kawaang doh Tiah, nyo  sarang den beko dek Walinagari, tatuduah den sebagai urang nan alah melakukan pencemaran nama baik, ndak takao den doh Tiah.”

“Kini di nagari nagari (desa namonyo selian di Sumatera Barat), partisipasinya masyarakat awak mambantu pemerintah lah kurang.”

“Partisipasi mano nan ang sabuik lah bakurang ko, Tiah?”

“Partisipasi membangun lah,  sarupo gotong royong, kini lah jarang urang Goro, padahal dulu nan cadiak cadiak si Sumbar ko, mangko disabuik sistem dan namo pemerintahan tarandah  di Sumbar  dengan Pemerintahan  Nagari, buliah nak kumbali semangat banagari dizaman dulu itu baliak.”

“Gagal awak kembali ke Nagari?”

“Den berani mangatokan gagal. Sabab lah beberapo nagari kini lah dimekar untuak mangaja jumlah dana desa. Semakin banyak Nagari tacatat semakin banyak pulo dana desa nan ka didapek dek kabupaten yang bersangkutan.”

“Selain itu apo lei penyebab gagal tadi?”

“Kurangnya keterbukaan wali nagari dalam penggunaan dana desa, mambuek masyarakat maleh berpartisipasi. Masyarakat tidak tahu karano ndak pernah diagiah tahu. Masyarakat maraso ndak dilibatkan, Walinagari bakato inyo, masayarakat tak amuah sato.”

“Ketidak terbukaan wali Nagari   dalam penggunaan dana desa membuat masyarakat jadi maleh pulo berpartisipasi. Mangkonyo wakil presiden manyarankan penggunaan dana desa itu disampaikan lewat Musajik.”

“Kok macam tu nan Walinagari atau Kapalo desa,  den raso capek maju Nagari mah, sabab dana awak lah banyak disadiokan pamerintah untuk mambangun, tingga kini ba’a manggunokan secaro maksimal. Dan Iko iyo dituntuik kejujuran dari seorang wali Nagari.” kata Utiah Kapeh mengakhiri ota pagi mereka.

By Pilar