PILARBANGSANEWS.COM,-

“Tam…, ang lai mambaco berita tantang Walikota Padang Mahyeldi Ansharullah bersamo istri datang batamu ka kadiaman resmi Bupati Pesisir Selatan Hendrajoni pada Sabtu sore kapatang (12/8),” kata Utiah Kapeh bertanya kepada Tam Arang pagi ini Minggu (13/8). Mereka maota  masih dipojok gedung salah satu rumah sakit di kota Pakanbaru.

“Lai, ba’a tu Tiah?”

“Lai tau waang apo kiro kiro mukasuiknyo, walikota Padang tu singgah pulonyo batamu ka rumah Bupati Hendrajoni?”

“Apo mukasuiknyo ndak jaleh di den doh. Ndak kaden ang batanyo harusnyo doh, langsung bana ka Walikota nan bajangguik putiah tu ancak,  kalau ndak ka pak Hendrajoni jadi juo ang  batanyo?”

“Kalau ka den waang batanyo, tantu  ndak kamungkin doh. Sabab tantu den kok pai bana batamu ka rumah Bupati atau walikota Padang tu, Ndak ka buliah di Pak Pol PP, den  masuak doh. Sabab jadi tamu walikota Padang tu kito harus basipatu lokak baju bamasuakkan kadalam, pakai kabek pinggang. Kok dapek bakabek pulo taliyia tu.”

“Kalau batamu mungkin iyo bdak bisa tu doh. Sabab pejabatko hanyo bisa ditemui atau basuo jo awak saat nyo kampanye. Lah tapiliah nyo jadi Bupati atau walikota, bajago rumah dinas nyo dek satpol PP. Tapi kini den maminta ang bisa ndak waang ibaratnyo sebagai pengamat politik?”

“Kato Pengamat politik Sumatera Barat, Uda  Romi Siska Putra, sarupo nan ditulih dek salah satu media Online,  manjelang perhelatan Pemilihan Walikota (Pilwako) sah-sah sajo kalau ado nan  mengaikkan pertemuan duo kepalo daerah di Sumbar kearah politik.”

“O yo Pulo mah ndak, tantu Buya Mahyeldi nyo minta dukungan ka Hendrajoni karano Bupati awak ko liau ketua DPD PAN Pessel dan warga Pasisia banyak lo di Padang.”

“Mungkin iyo mah, Buya Mahyeldi mungkin mancubo maumbuak pak Hendrajoni supayo bisuak sato makampanyekan Buya Mahyeldi tu. Nan ndak buliah Sato  kampanye pagawai negeri, guru guru jan sato sato pulo bapolitik, fokus  ka karajo sesuai jabatan dan pangkek nan diagiah.”

“Kiro kiro lai amuah pak Bupati awak mandukuang Buya Mahyeldi?”

“Caliak eskalasi dan dinamika politik dulu lah. Kok ka amuah mungkin ado barter.”

“Barter tu apo?”

“Barter tu saling tuka manuka, dalam Bahaso awak lamak diawak katuju diurang.”

“Apo kiro kiro nan kalamak di pak Bupati awak Tiah?”

“Iko agak agak den sajo. Paling tidak pak Bupati awak bisauk kok nyampang Buya manang baliak, Buya diminta untuk mambantu mengkondisikan pelabaran jalan Sungai Pisang.”

“Baa ko jalan Sungai Pisang?”

“Kapatang ko Buya kurang respon mambantu membebaskan lahan untuk pelabaran jalan. Kini dek minta tolong ka Bupati awak dan masyarakat Pessel nan di Padang untuk mamanangkan Buya, bisuak sebagai balas jasa buya amuanyo mangkondisikan pembebasan lahan untuk pelebaran jalan tu LAI… Sabab kini pelabaran jalan ka objek wisata Mandeh tu, tahambek dipaleba karano manunggu Pemdakota Padang turun tangan mambantu mengkondisikan pembebasan lahan itu.”

“Ow.. Gitu Yo… Jadi kok macam itu iyo paralu Buya ko dimenangkan baliak jadi walikota Padang mah.”

“Allahualam…..”

By Pilar