PILARBANGASANEWS.COM.

“Tam…, ang lai mambaco berita Bahaso Wakia Menteri Energi dan Sumber Daya Mineral (ESDM) Arcandra Tahar dalam wakatu dekak ka tabang ka Arab Saudi untuak menjajaki karaja samo investasi termasuk pengembangan kawasan wisata Mandeh.” ujar Utiah Kapeh kepada Tam Arang pagi ini Selasa (15/8).

“Lai den baco, tapi den heran sajo diang Tiah, ba’a mangko Arcndra Tahar nan Pai ka Arab Tu, baa mangko ndak pak  mantari Pariwisata, lai nan sabananyo tu? Lai Ndak kanai hawo randang lokan sajo awak, Tiah?” jawab Tam Arang sudah mulai kritis menanggapi sebuah berita yang disampaikan pejabat.

“Apo mukasuik nyo tu  Tam, kanai hawo Randang Lokan ?”




“Iyo dulu lah santer lo berita  pengusaha Arab Saudi akan berinvestasi untuk pengembangan dan pembangunan  kawasan objek wisata Mandeh. Bahkan tak tanggung tanggung pemberitaannyo. Rajo Arab nan ka menanamkan modal nyo. Berita itu hilang dihambui topan putiang baliuang, antah dimano taseraknyo kini Kaba itu.”

“Kalau den picayo sajo Tam, apalagi nan manyampaikan iko adolah Wakil Gubernur SUMBAR Pak Nasrul Abit, liau manyampaikannyo setelah ditelp dek Pak Wakil Menteri Energi dan Sumber Daya Mineral (ESDM), Arcandra Tahar. Kato pak NA, pak Arcandra minta supayo Pemda  Sumbar membebaskan lahan 1000 Ha di Bukit Ameh dikawasan objek wisata Tarusan itu. Kalau lah bebas lahan dibuekkan proposal supayo pengusaha urang Arab Saudi amua menanamkan investasinyo,” ujar Utiah Kapeh menerangkan.

“Kalau untuk membebaskan lahan tantu gawenyo Pemda Pessel, Tiah. Kiro kiro lai siap pak Bupati Hendrajoni?”

“Pak Bupati Hendrajoni tu den raso siap sajo tu nyo, nan paralu dek baliau tu barang ko jadi.”

“Waang lai tahu latak bukik Ameh tu  dimano?”

“Lai lah maso lo den ndak tahu kampuang abak gaek den di Tarusan tu mah,”

“Ba’a mangko namonyo bukik Ameh lai tahu ang sajarahnyo?”
“Ndak tahu den doh, ka sia den kabatanyo, abak gaek den lah lamo almarhum ka tampek batanyo.”

“Jangan jangan dibukit Ameh tu ado mangaduang mineral, barupo Ameh. Kok indak mangalo namonyo Bukik Ameh!”

“Iyo pulo mah, jangan jangan bukik Ameh itu ado deposit Amehnyo. Sabab den ragu juo manga kok Arcandra nan pai ka Arab samantaro inyo wakil menteri Energi dan Sumber Daya Mineral (ESDM), kok menteri pariwisata atau wakil menteri pariwisata tapek juo lah. Ko jauh panggang dari api.”

“Kok itu nan ang ragukan, itu kurang tapek, di kabinet pak Jokowi-JK tu kan kabinet kerja kerja kerja dan gotong royong, para menteri saling gotong royong sajo mangarajokan sesuatu nan penting bisa.”

“Arcandra memang ditunjuk oleh Presiden Joko Widodo sebagai penghubung investasi Timur Tengah,” baitu ditulis dek wartawan dalam berita itu, tantu mangko ditulis semacam itu NA nan maagiah tahu.”

“Kini baitu sajo Tam, ang tak usah dulu banyak komentar, kito caliak sajo dulu, mudah mudahan apo nan direncanakan dek pak Arcandra, seperti nan disampaikan dek Pak NA tu dapek terealisasi, amuah pengusaha Arab tu berinvestasi di Nagari awak.”

“Kok lai terealisasi ancak mah, den bisa lo nanti manyangolahlan anak den untuk baraja Bahaso Arab, buliah nyo bisa jadi guede bagi tourist dari Timur Tengah.”

“Anak ang padusi atau laki laki?”

“Laki laki.”

“Kok lai laki laki ndak  ba’a tu doh,” ujar Utiah Kapeh menyudahi perbincangan mereka terkait berita objek wisata akan dijojokan (ditawarkan) kepada pengusaha Arab menanamkan investasinya.(YY/Andra/Rjl)

By Pilar