PILARBANGASANEWS
.COM

“Tam…, sendainyo ang pandai bahonda (mengendarai motor), tu ang racak honda ang pai ka balai, ang ndak pakai helmut (helem) dalam perjalan ado polisi sadang razia. Nyo tilang ang dek pak polantas tu, mungkin dslan hati ang menyumpah Yo?” kata Utiah Kapeh bertanya ketika minum kopi bareng hari ini Rabu 16 Agustus 2017.

“Manyumpah indak, tapi den cubo mambana kok lai ka dapek.”

“Kok ndak dapek mambana?”

“Den panjakan pitih agak Rp 50 ribu,”

“Kok ndak amuah polantas tu manarimo, ba’a?”

“Kok  indak namuah ka ba’a juo lai. Kanai tilang lah malah den jadinyo.”

“Bangih ang?”

“Ndak bangih doh, den pujian polantas tu, berarti inyo polisi nan jujur.”

“Tapi kalau nyo tarimo?”

“Disitu den baru manyumpah dalam hati sajo. Sabab kok kareh kareh tadanga dek nyo, batambah masalah den jadinyo.”

“Ko ado carito ciek Tam a, den hibo jo polisi nan sorang ko, karano nyo sorang disabuik oknum yo.”

“Manganyo mangko waang hibo ka oknum polisi itu?”

“Inyo polisi di salah satu kota di Aceh, nyo cilok pitih kotak amal di salah satu toko perbelanjaan”
“Tu ba’a jadinyo.”

“Katiko nyo mancilok tu kadapatan di petugas Samo samo polisi, inyo tatangkok dikawannyo tu. Lah tatangkok dibaonyo ka markasnyo.”

“Sudah tu.”

“Karano kejadiannya sangat nemalukan, dek komandannya oknum tadi ditest urine nyo.”
“Urine tu apo?”

“Karayiah keteknyo.”

“Ow. Tu ba’a lei?”

“Setelah dipareso, tanyato oknum polisi itu positif urine nyo Narkoba.”

“Onde Mandeh!”

“Tu lah bedonyo Narkoba ko, kalau lah candu tu susah mahantiannyo.”

“Sabananyo oknum polisi itu sabalum nyo ketagihan mamakai, inyo elok laku, rajin dalam melaksanakan tugehnyo. Tapi setelah nyo kecanduan, karajo lah maleh, pangana Mandat sajo.”

“Nde…, kok dapek Jan lah ado diantara anak kamanakan awak nan mancubo cubo mamakai narkoba tu, lah candu kalau ndak  ka panjaro tampeknyo, liang lahat manantu. Iko bahayonyo.”

“Dek lah banyak oknum polisi nan candu Samo narkoba ko, sahinggo nyo ado nan jadi pengedar bagai”

“Kato Pak Tito kalau ado polisi nan jadi pengedar Narkoba, ditangkoknyo melawan tembak mati sajo.”

“Lai suai waang tu Tam?”
“Di den Mano nan ka aman sajolah Nagari awak ko dari Narkoba dan setuju sajo mah.” ujar Tam Arang mengakhiri bincang pagi mereka dirumah anak Pak YY masih di Pakanbaru.

By Pilar