KEJADIAN LANGKA BANGET DI KABUPATEN 50 KOTA
PILARBANGSANEWS.COM.
“Tam… Ang lai Baco berita KLB di Kabupaten 50 Kota?,” tanya Utiah Kapeh kepada Tam Arang pagi ini Senin (21/8) dalam percakapannya mereka sambil menikmati kopi hitam di salah satu kedai kopi di kota Pakanbaru, Riau.
“Lai, Tiah.”
“Manuruik pandapek ang ba’a?”
“Buliah tahu para pembaca terkait tulisan pak YY ko, Kito agiah tahu dulu apo KLB itu kepanjangan nyo.”
“KLB tu singakatan Kejadian Langka Banget. Ba’a mangko waden katokan KLB? Karano tak pernah dicubo urang, baru kini tajadinyo. Biasonyo nan mambuek karajo saroman nan dikarajokan pak Wabub 50 Kota ko urang partai politik. Kini dilakukan dek Wabup. Itu mangko den katokan kejadian langka banget”
Kalau di partai politik 2 pengurus lah biaso. Lah banyak nyo cubo dek kawan. Tapi nan kajadian di Kabupaten 50 Kota. Baru Iko den tahu.”
“Den iyo juo. Baru kini tajadi.”
“Ibarat sebuah angkot (angkutan kota) di Jakarta. Iko namonyo stokar mambaok oto menggantikan sopir batangan. Di agiah dek sopir tapi inyo loh nan ingin mangarajokan sagalo karajo sopir.”
“Seandainyo inyo jadi sopir lalu dicubo Pulo dek urang macam itu, lai lah kasanang hatinyo sebagai sopir?”
“Iyo mah Tiah, kok tau pak Bupati Irfendi Arbi nan sadang malaksanakan ibadah haji, taganggu juo mah ndak, Tiah?”
“Tanganggu ba’a?”
“Ndak khusuak lei. Jadi pemikiran baliau pastinyo tu mah.”
“Waang baa ko acok bana mangatokan pasti. Nan buliah bakato pasti itu hanya Allah SWT, bisa mangkadimkan sesuatu. Kalau awak harus Insya Allah ndak buliah mamastikan sesuatu.”
“O Yo Yo.. Maaf den salah.”
“Kini lah dikatokan dek Mendagri Tjahjo Kumolo, pengangkatan pejabat nan dilakukan dek Wabup 50 kota itu ndak Syah dan batal demi hukum.”
“Sabalumnyo, Kapalo Biro Humas Pemda Sumbar juo mangatokan pelantikan pejabat dek pak Wabup 50 Kota tu tidak Syah.”
“Kalau basi mada dan basibanak sajo pak Wabub tu ba’a, Tiah?”
“Iko nan alun jaleh dek den lai. Apo sanksi nan bisa diambiak dan dijatuhkan ka Wabub.”
“Jadi lai tau ang Tam, ba’a mangko tajadi KLB?”
“Dek karano pacah kongsi.”
“Bana. Kalau lah pacah kongsi ko, kok Ndak amuah rujuak, thalak jalan satu satu nan paling elok diambiak dek Wakil Bupati. Tirulah Dicky Chandra jatuahkan thalak ciek.”
“Iyo Lo mah, Tiah. Kok ado untuang bisuak batamu baliak,”
“Bupati dan wakil Bupati ang samokan Jo urang laki bini. Bisa manjatuahkan thalak.”
“Kenyataan kan banyak nan pacah kongsi.”
“Ba’a kok bisa PACAH kongsi tu, Tiah?”
“Banyak pamicunyo. Tapi jiko ditelusuri tak lain barabuik kekuasaan. Dengan kekuasaan itu bisa awak kayo. Urang barabuik jadi pemimpin dek ingin mancari kekuasaan itu.”
“Ow…….,” kato Tam Arang yang selama ini dia hanya tahu dan percaya bahwa orang jadi bupati, jadi gubernur jadi presiden hanya untuk mengabdi kepada Nusa dan BANGSA.
Untuk membangun negeri ini agar lebih sejahtera lagi.. INSYA ALLAH.
