Pilarbangsanews.com

“Tam…, ang pernah mancaliak Vidio oknum  Polisi lalu lintas di Kalimantan nan melakukan pungli  ka  sopir truk?” tanya Utiah Kapeh kepada Tam Arang pagi ini Selasa (22/8) di sebuah kedai kopi tidak berapa jauh dari salah satu rumah sakit di Kota Pakanbaru, Riau.

“Lai…, ba’a tu Tiah?”

“Kabanya nan mambuek Vidio itu, diproses dek polisi karano inyo lah malangga UU ITE.”

“Hhehheheh…, untuak  informasi nan ciek ko, tatingga waang dari den mah Tiah. Ndak batuah info ang tu doh.”

“Indak batuah  ba’a lo den di-ang ko Tam. Ko beritanyo a, den copy  dan  masih den simpan di HP den ko a,” ujar Utiah Kapeh sambil membuka gadget nya dan kemudian memperlihatkan kepada Tam Arang.

“Iko berita hoax nan ang copy-an  mah,”

“Jadi berita nan mangatokan sipembuat Vidio itu dipolisikan berita hoax tu?”

“Iyo. Ko caliak di-ang a, sopir nan mambuek Vidio itu dapek penghargaan dari Kapolda Kalimantan Selatan babarapo hari nan lalu. Ko berita dan fotonyo a,” ujar Tam Arang menjelaskan pada Utiah Kapeh.

“Tu lai tapek janji pak Kapolri Yo Tam, mulai dari Kapolri dijebat dek Badruddin Haiti sampai ka Tito Karnavian, mampasilahkan masayarakat untuk mamvediokan polisi nan nakal.”

“Polisi lalu lintas tu ibarat sebuah rumah samo bahagian muko rumah. Lakeh diliek urang karajonyo nan indak batuah. Sabananyo di kesatuan lain di polisi tu banyak juo nan ndak bana karajo oknumnyo. 
Padahal kawik polantas tu sangenuangnyo tapi dek dilakukan ditangah jalan mangko banyak nan manyumpah sarapah ka bakeh inyo.”

“Tapi baitu pulo mah  Tiah, polisi nan pangkek pangkek randah tu mangko nyo manggarewai dek ulah komandannyo juo.”

“Ba’a komandan pulo nan ang pasalahkan?”

“Komandan ko banyak pulo nan mamupuah sorang pitih pitih operasional. Ndak nyo bagikan ka anak buah nyo, sehingga anak buah tapaso manggarewai.”

“Jadi kok baitu, Kapolri kok dapek harus nyo suruh anak buahnya nan randah randah tu malaporkan komandannya nan mamupuah pitih operasional tu yo, Tiah?”

“Kok itu nan dilakukan di Kapolri pak Tito ko a, bilo nyo jadi ambiak  pensiun Mudo, manangih polisi polisi nan pangkek randah sadonyo mah. Tapi kok indak lah samo sajo Baruak Jo Cigak mah. Tak ambiak pusiang anak buah nan dibawah bawah. Sia nan ka jadi Kapolri tasarahlah, nasib ka saroman itu sajo nyo.”

“Kini warga mamvediokan. Bisauak dituka lo caro punglinyo, agak lebih elegan saketek sahinggo urang tak sempat dan tak tahu Baa caro mambuek vidionyo.”

“O gitu tu Yo Tiah?”

“Iyo lah….” ujar Utiah Kapeh menghabiskan teh tarik yang tinggal seteguk lagi digelasnya.

By Pilar