TAM ARANG DAN UTIAH KAPEH SEMAKIN DIGANDRUNGI
PILARBANGSANEWS.COM
“Tam…, pembaca Pilarbangsanews.com. nampak lebih suko mambaco ota Tam Arang dan Utiah Kapeh dibandiang berita tentang Wagub Sumbar mamuji Gubernur Sumbar,” ujar Utiah Kapeh pagi ini Rabu 23 Agustus 2017 dalam perbincangan mereka masih di Pakanbaru, Riau.
“Ota awak nan banyak pambaconyo tu membahas masalah apo, Tiah?”
“Membahas tentang pelantikan Sekda Baru di Kabupaten 50 nan dilakukan dek Wakil Bupati, tanyato lebih banyak menarik minat baco urang dibandingkan berita pujian pujian Wagub Sumbar Nasrul Abit terkait pantun dari pak Gubenur Sumbar Irwan Prayitno.”
“Bara kali dibaco urang Carito awak tu,Tiah?”
“Caliak lah dek ang,Tam. Ang batanyo turuih sin mah, kan ang lah ado punyo gadget baru. Caliak lah sorang.”
“Oh.. Yo, den lupo. Sabananyo den lai mambaco. Tapi den kurang perhatian bara urang nan mambaco tulisan pak YY, terkait ota lamak awak di Pilarbangsanews.com.”
“Kok lupo cubo lah caliak.”
“Ndeh iyo mah Tiah jumlah pembaca nyo lah mencapai 1690 lebih. Samantaro berita Wagub SUMBAR mamuji Gubernur SUMBAR sampai hari Iko alun sampai 51 urang lei. Masih 50 nan mambaco baru.”
“Ba’a kok macam itu Tiah?”
“Mungkin urang maleh mambuka tautannyo, karano nan mamuji pak gubernur itu wakilnyo sendiri.”
“Pak Wagub NA mamuji Irwan Prayitno, punyo talenta. Banyak pantun nan lah nyo ciptakan dek pak Irwan, 18.000 pantun banyak e. Sudah tu kecek pak NA, pak IP (Irwan Prayitno) juo seorang karateka dengan sabuk hitam Dan 4 atau Dan 5?.”
“Kok itu batuah mah, Gubernur awak ko, liau seorang cendikiawan, sagalo bakalabiahan dek liau, Profesor, anak baliau labiah dari 10 urang, nan lah pandai mangaji hafidz Alquran bagai. Sabana bana banyak nikmat nan dilimpah dek Allah SWT ka baliau tu.”
“18.000 pantun nan liau ciptakan dek pak IP tu lah ado legalitas Hak Ciptanyo dari Kemenkumham. Itu artinya kalau ado nan mangutip pantun tu, harus minta izin dulu ka pak IP, kalau indak pak IP bisa manuntuik secaro perdata dan pidana karano sia nan mengutip plagiat, manjimplak hak cipta urang.”
“Wow…, babayo tu yo Tiah?”
“Iyo babayo lah?”
“Trus tadi ang mangatokan pak Wagub mamuji pak Gubernur, baa pulo lagu e tu?”
“Tu lagu ginyang Mak Taci mah,”
“Baa lagu ginyang Mak Taci tu,Tiah?”
“Ginyang…, nginyang lah sabana nginyang. Apo karajo rambuik, rambuik nan di Ateh. Manga Lo itu nan disabuik, buliah nak sanang urang diateh.”
“Hahahhaha… Tu dendang almarhum Purin Asmara mah, kalau lagi menggesek rababnyo.”
“Iyooooooo.” kata Utiah Kapeh mengakhiri ota mareka, karena orang banyak yang antri mau masuk ke kedai minuman itu. Mereka tak bisa lama lama duduk seperti di warung Mak Gambuang di kampung mereka.(*)
