ANDRINOF CANIAGO JADI MENTRI LAGI MAU KALAU DIMINTA PRESIDEN
PILARBANGSANEWS. COM.
“TAM…,uda Andrinof tu yo sabana bana asli urang Caniago baliau tu.” kata Utiah Kapeh kepada Tam Arang pagi ini Rabu (30/8), saat mereka kembali minum kopi di Lapau Mak Gambuang.
“Ba’a mangko ang katokan sabana bana asli pulo Tiah?”
“Ciri ciri urang Caniago lai tahu ang?”
“Indak. Apo cirinyo?”
“Ndak suko mengemis pangkek, sudah tu ko lah jadi Menteri, diangkek baliak diurang jadi Dubes. Tu kan turun level namonyo, Ndak kanamuah bagainyo doh.”
“Jadi uda Andrinof ko sasaku Jo ang Tiah?”
“Indak, suku den lah bilo sajo lupo waang Tam?”
“Iyo mangko den lupo waang mamuji Suko Caniago tu.”
“Ba’a ndak ka den puji suku Caniago tu di-ang Tam, sabab suku apak nan manulis Carito awak ko kan Caniago. Makonyo den puji supayo ota pagi awak taruih ndak bosan bosannyo baliau tulih.”
“Jadi pak YY ko sukunyo Caniago?”
“Nde alun juo tahu ang lei yo.”
“Badusanak pak YY samo Uda Andrinof. Sabab sukunyo samo?”
“Badusanak indak tapi urang ko samo samo basuko Caniago.”
“Waang manga pulo ba Uda ka pak Andrinof tu, bilo ang kenal samo mantan Menteri Perencanaan Pembangunan/ Kepala Bappenas itu?”
“Jo menteri ndak tahu tu lah bedo mah. Namo Namo menteri tu awak harus hapa apalagi Uda Andrinof tu urang awak.”
“Tadi ang kecekkan pak Andrinof sabana bana asli Caniagonyo. Alasannyo apo?”
“Urang Caniago pantang deknyo, lah sudah jadi menteri, diangkek baliak jadi Dubes. Itu turun level namonyo.”
“Maso pulo dulu menteri Lua Nagari Retno Marsudi itu samo samo jadi Mentri jo Uda Andrinof, kini nyo tawarkan dek Bu Retno untuk jadi Dubes Spanyol. Uda Andrinof Ndak ajan doh. Sabab nan maangkek kawan Samo Samo menteri.’
“Apo alasannya Uda tu Ndak amuah jadi Dubes. Jadi Dubes tu kan rancak jabatannya tu, awak Tingga di Spanyol, bisa caliak matador urang bacakak Jo Jawi jalang, Tingga diluar Nagari pulo.”
“Bagi Uda Andrinof, liau tulak karano kini liau tu manjabat Komisaris Utama PT BRI.”
“Jadi komisaris BRI tu mano nan tinggi level nyo dibanding duta besar?”
“Den ndak tahu doh antah mano nan tinggi. Tapi nan jaleh Uda Andrinof tu liau lebih mamiliah jadi Komut BRI sajo. Apalogai liau tu kini banyak jabatan nan dipaciknyo.”
“Apo apo tu?”
“Pokoknya banyak lah. Malahan kini beliau amuah jadi penggiat sadar wisata untuk memajukan dunia pariwisata Pesisir Selatan, karano kabanyo Uda Andrinof ko ado balahannyo di Pasisia meskipun liau sendiri ayek liau marantau ka Padang dan lah baranak pinak di Mato Aie Padang.”
“Dimano pulo ang tahu bahaso ayek buyuik Uda Andrinof tu asanyo urang Pasisie?”
“Itu agak agak den sajo, kalau ndak manga pulo liau tu fokus Pulo ka Mandeh tu, sahinggo kawan beliau Samo Samo menteri dulu pak Mantan Menkumham Tedjo Edhy datang ka Mandeh sapakan nan lalu. Itu karano pak Tedjo samo samo taragak Jo Uda Andrinof.”
“Jadi nan kalamak di uda Andrinof tu pangkek apo di nyo?”
“Itu memang ado ditanyo diwartawan, jawab pak Andrinof kalau nyo diangkek baliak jadi Mentri dek Presiden, tantu liau tak bisa menolak.”
‘Ow…, ko itu iyo asli mah Caniago liau tu.” kata Tam Arang yang seolah olah dia mengerti dengan sifat sifat orang Minang yang besuku Caniago.
