AUNG SAN SUU KYI – PEJUANG PERDAMIAN KINI TEGA SAKSIKAN PEMBANTAI MANUSIA
PILARBANGSANEWS. COM.
“TAM…, Aung San Suu Kyi — dulu nyo hebat, salut den jo padusi nan sorang ko, tapi kini den jajok bana ka inyo.” ujar Utiah Kapeh kepada Tam Arang, pagi ini Minggu (3/9).
Hari Sabtu kemaren mereka tidak sempat ngopi pagi di Lapau Mak Gambuang, karena harus membantu panitia Qurban di kampung mereka.
Pagi ini mereka ngopi bareng seperti yang mereka lakukan. Tapi topik yang mereka bincangkan adalah masalah luar negeri terkait pembantaian Muslim Rohingya yang dilakukan oleh biksu, warga dan tentara di Myanmar yang secara de facto negara itu kini dipimpin oleh Aung San Suu Kyi.
“Ba’a waang mangko jajok ka wanita panarimo hadiah Nobel perdamaian itu Tiah?” tanya Tam Arang.
“Den caritokan ka waang sakatek dulu; Aung San Suu Kyi ko balaki samo urang inggris banamo Dr. Michael Aris. Dari hasil pernikahannya, baranak baduo, anak nan pertama Alexander, nan kedua Kim Aris.”
“Terus?”
“Katiko Suu Kyi pulang ke kampuangnyo di Burma, di nagaranyo sadang bagolak waktu itu Burma dibawah rezim militer. Waktu itu militer nan bakuaso main hantam sajo, sia nan protes dipanjaro kalau ndak didor sampai kojat.”
“Sudah tu?”
“Suu Kyi mancaliak kejadian nan paling miris, saat itu mahasiswa menggelar demonstrasi. Ado sorang mahasiswa nan terluka, nyo berlari ke rumah sakit maubek lukonyo, dek tentara dikaja taruih, sampai di rumah sakik katiko doker bausaho maubek mahasiswa tadi, si tentara menembak sahinggo mahasiswa nan luko tadi kojat. Itu tajadi nyo caliak sendiri dek Suu Kyi.”
“Sudah tu?”
“Aung San Suu Kyi ikolah nan menginspirasi perjuangan, karano inyo berjuang kareh tanpa harus malawa jo kekerasan untuk protes supayo rezim militer nan mameritah jatuah di Burma.”
“Taruih..”
” Perjuangan Suu Kyi ko mandapek perhatian dunia, masyarakat dunia salut ka inyo. Pernah suatu kali nyo kalua bajalan, kato urang dakeknyo, pakai lah baju anti peluru. Nyo jawab di Sri Kandi Birma ko, kalau pakai baju peluru, berarti takuik mati, itu samo jo balinduang ka rakyat.”
“Warbiasyah.., padusi nan sorang ko Yo, Tiah. Sudah tu?”
“Panjang perjuangan padusi Burma nan sorang kok, diintimidasi, dipersekusi lah aie mandinyo, tapi nyo Ndak pernah gentar. Jendral pemimpin junta militer nan bakuaso, nyo tawarkan taruih untuk duduk samo samo minum kopi pagi membicarakan persoalan demokrasi nan jujur dan bersih di Burma.”
“Terus?”
“Kareh perjuangan sampai kini masih melewati jalan nan baliku, meski partainyo Suu Kyi NLD manang dalam Pemilu bisa memilih presiden, tapi Sui Kyi taganja ado UU di Burna urang nan balaki jo warga Nagara lain ndak bisa diangkek dalam jabatan presiden. Tapi beberapa jabatan buliah. Kaba terakhir Suu Kyi akan diangkek jadi Menteri Lua Nagari Birma.”
“Panjang Bana carito ang mah Tiah. Ndak paralu di den doh.”
“Terkait Suu Kyi apo nan ang paralukan dari inyo?”
“Dulu nyo dapek hadiah Nobel bidang perdamaian, kini apo perannyo untuk Muslim Rohingya nan dibantai dan diusia dari kampuang nan lah ditunggu dek nenek moyang baabad abad itu?”
“Disiko lah lataknyo kesalahan Suu Kyi itu, sebagian banyak awak yang salut dengan perjuangannyo, kini jadi tabaliak. Jatuah ka banci jadinyo. Kok dapek panitia pemberi penghargaan Nobel itu mancabuik penghargaan nan lah diagiahkan itu.”
“Nde.. Baa mangko macam tu?”
“Dalam sebuah wawancara eksklusif dengan seorang wartawan TV lua nagari, Suu Kyi mengakui memang tajadi kekerasan di Negara Bagian Rakhine. Sebanyak 1 juta penduduk Rohingya menetap selama beberapa generasi dibantai rumahnya dibaka, diperkosa dan diusir tak diakui sebagai warga Burma. Kato Suu itu bukan pembantaian etnis tapi hanyo pertikaian antar golongan.”
“Onde Mandeh..”
“Berarti lah sato pulo paja ko mah?”
“Kiro kiro baitulah, padahal kalah nyo sato mengecam dan mandasak Presiden Birma Htin Kyaw menghentikan pembantaian itu pasti bisa. Tapi Iko ndak nyo lakukan dek Suu Kyi.”
“Dalam pituah adat awak itu namonyo tibo diparuik di kampihkan, Tibo dimato dipiciangkan. Nan paralu dinyo tantu etnis dan agamonyo sajo. Etnis dan agama lain, kudianlah dulu. Beda Jo agamo Islam, Rahmat Bagi Sekalian Alam. bukan hanyo manusia tamasuak binatang.” kata Utiah Kapeh mengakhiri ceritanya.
