Objek Wisata Mandeh Digetarkan Lewat Puisi
PILARBANGSANEWS.COM
“Tam…, kini ado Grup Facebook nan namonyo Grup Bumi Mande Berpuisi.” kata Utiah Kapeh tadi pagi Kamis (7/9) di Lapau Mak Gambuang.
“Iyo den lai tahu ado grup itu namonyo. Anggota grup itu adolah urang urang nan pandai menulis puisi dari berbagai latar belakang pendidikan dan profesi. Ado dosen. Ado politikus, pedagang sampai ka ibu dan ayah rumah tangga.”
“Waang lai sato jadi anggota grup itu?”
“Den ndak sato doh, tapi den caliak pak YY nyo jadi anggota grup itu.”
“Pak YY ko satahu den nyo ndak pandai menulis puisi doh, manulis berita sajo alun pas bana, apalagi menulis puisi. Menulis puisi susah, harus urang nan banyak perbendaharaan kata dikapalonyo. Penyair namonyo.”
“Tu lah kamari masuak sajo pak YY ko,”
“Ndak usah lah kito pabunjiangan pak YY tu, bia sajo lah nyo bak manggalatiang galatiang co ulek Lado, kini den ka maagiah tahu ka ang bahaso member Grup Bumi Mande Bapuisi itu mereka akan mahoyak kawasan Mandeh jo puisi.”
“Apo mukasuikkan ang tu, mahoyak Objek Wisata jo Puisi?”
“Ba puisi samalam suntuk di alam tabuka sambiah diringi desiran riak riak deburan ombak pantai pulau nan ado dikawasan objek wisata Mandeh itu?”
“Lai banyak nan ka hadir penyair disitu. Dari mano mano sajo nan ka datang?”
“Kato penggiat Grup Facebook Bumi Mande Bapuisi, Uda Daf dan Uda Sultan Indra, lai. Banyak nan kahadir, diperkirakan ado 2 taruih urang.”
“Banyak tu, kalau nanti mereka datang habis tu nyo manulis Puisi di FBnyo masing masing, itu akan menggurito infonyo tersebar kamano Mano, sabab nan ka hadir tu dari seluruh pelosok tanah air dan bahkan penyair dari Singapura dan Malaysia bagai.”
“Batuah…, kalamari, Uda Def samo Uda Sultan dan Samser, datang ka Pasisie menjajaki lai ka ado sambutan di Pemda Pessel acara mereka itu? Sabalum nyo menghadap para pejabat, Uda Uda nan batigo tu singgah ka rumah pak YY.”
“O yo, den lai mancaliak ado tamu di rumah pak YY kamalari.”
“Ba’a manngko ka rumah pak YY lo para penyair tu datang?”
“A…, tu lah nan pandai anak anak Grup Bumi Mande Bapuisi tu, nyo cari ayah nyo, meskipun mereka baru kenal si Facebook. Lah bantuak anak barayah sajo mereka jo Pak YY.”
“Tu Baa hasilnyo? Lai bisa nyo batamu jo pak Kadinas Parawista atau bidang kebudayaan di dinas Pendidikan? Sabab itu gawe urang urang tu Bana mah.”
“Kapalo dinas Pariwisata kapatang nyo sibuk, nyo suruh Pai ka Bidang Kebudayaan Dinas Pendidikan. Karano macam itu, nan batigo ko disuruh dek pak YY pai menghadap Ibu Istri Bupati sajo. Sabab ibu Bupati Pessel ndak ado tangih nan tak taantokkan di e doh.”
“Trus lai batamu? Sabab ibu ketua TP-PKK Pessel tu sibuk dan banyak bana kegiatan nyo.”
“E.., kan lah den katokan tadi, kalau di Ibu Lisda Rawdha ndak ado tangih nan tak taantokan dinyo doh. Mereka berhasil batamu dan Bu Lisda mandukuang sapanuahnyo. Disarankan untuk mambuek proposal sacapeknyo.”
” Berarti kini tingga baa karajo penggagas bisa beraksi sehingga dengan puisi mereka bisa menggetarkan Mandeh sampai ke seluruh pelosok Nusantara lewat berpuisi.”
Insha Allah,
“Aamiin Aamiin YRA,” kata Tam Arang dan Utiah Kapeh serempak.
