PILARBANGSANEWS. COM. BATANG KAPEH, PESSEL, SUMBAR,–

Kembali Tam Arang dan Utiah Kapeh pagi ini Sabtu (9/12) bercerita di Lapau Mak Gambuang. Mereka masih menceritakan peristiwa yang skopnya Nasional. Yakni terkait dengan Jendral Gatot Nurmantyo yang baru kemaren sore jabatannya sebagai Pangab digantikan oleh Marsekal Hadi Tjahjanto.

Dengan dilantiknya Marsekal Hadi Tjahjanto, yang sebelumnya menjabat sebagai KSAU (Kepala Staf Angkatan Udara), Gatot kini Jendral aktif  senior yang tidak punya jabatan apa apa lagi di jajaran TNI.

“Tam…., kabanyo pak Gatot ko, pensiun bulan Maret tahun 2018, yo,” tanya Utiah Kapeh kepada Tam Arang memulai ota pagi mereka.

“A Yo ndak tahu den kok masalah itu ang tanyokan ka den doh, sabab den lah dari dulu tak pernah karajo maurus urang bapangkek bilo nyo ka pensiun. Ba’a ko masalah pensiun pak Jendral Gatot pulo nan wa’ang tanyokan ka den?” Tam Arang balik bertanya.

“Indak e…., pangana hati den wa’ang kok tahu?,” kata Utiah Kapeh.

“Kabanyo bulan Maret tahun nan ka tibo ko,” kata Mak Gambuang sembari menyodorkan kopi yang baru diseduh kepada Tam Arang dan Utiah Kapeh.

“Bulan Maret ka pensiun, berarti masih ado 3 bulan lai masonyo baru beliau Pak Gatot tu memasuki usia pensiun. Tapi kok kini jabatan Pangab diganti? Iko dilua tradisi.” 

“Tradisi atau indak tu yo ndak jaleh di den tu doh. Tapi Pangab itu jabatan setingkat menteri, diangkek dan diberhentikan oleh presiden. Jadi iyo bak kato presiden lah.” ujar Tam Arang, entah dari mana dia tahu aturannya begitu.

“Kiro koro manuruik wa’ang,  pak Gatot ko jabatan apo nan ka ditonggokkan dek pak Jokowi ka inyo? Sabab kalau tak diagiah jabatan, ndak mungkin setega itu bana pan Jokowi ka pak Gatot.”

“Iyo pak Jokowi ko nyo lunak lunak sajo, urang Solo namonyo, lembut santun jarang bana pambangih, itu ciri ciri urang Solo. Tapi didalam hati siapo tahu.”

“Presiden awak ko beliau memang bantuak itu, lunak lunak sajo, urang mahampeh mareh manggaretang, baliau tanang sajo. Tapi dinyo juo nan lalu. Caliak di-ang Tam, lah hampiah sado partai gadang gadang lah merapat ka pak Jokowi.”

“Iyo Partai Demokrat, lah ka mayadai nyadai pulo kini mah, dek karano si Agus Harimurti Yudhoyono (AHY) menuruik Lembaga Survei Indo Barometer, besar persentasenyo dibanding calon lain kalau disanding jadi wakil presiden dan Pak Jokowi presidennyo.”

“Kama pai nyo carito awak ko Tam, lah ka AHY lo mah, tadi awak mambicarokan pak Gatot. Kini pak Gatot tantu ndak ado karsinyo di Mabes ABRI lai tu yo.”

“Kalau kursi samo meja dan ruangan  pastilah disadiokan untuk beliau itu, cuma tantu gadang ko kini lah bagele. Sagalo kebijakan aturan tak baliau mamacik lei. Lah ado pejabat baru, efektif sajak sudah disumpah kapatang lah terhitung mulai melaksanakan tugas Panglima ABRI pak Marsekal Hadi Tjahjanto itu,”

“Pak Gatot kini lah mambuka diri untuk urang partai nan ingin melamarnyo. Tapi dek karano baru alun ado nan mancubo maminang beliau ka masuak partai mano beliau itu,”

“Biasonyo, bagi pejabat lah pensiun nyo agiah juo tugas dek Presiden mah Tam, setidaknyo jadi Duta Besar.”

“Tapi kalau Dubes untuk Amerika pak Gatot ko, ndak ka ditarimo dek si Donal Trump doh, Ndak ingek ang, beberapo bulan yang lalu, pak Gatot tak diizinkan masuk ka Amerika?”

“Itu kan wakatu nyo sadang mamacik jabatan Pangab. Kini kan ndak lai, apalagi nanti setelah pensiun lah jadi rakyat biaso, wakden raso di tarimo Amerika nyo mah,”

“Saat baliau jadi Pangab, pak Gatot ko, banyak dakek Jo para ulama, dengan kedekatan itu sahinggo, umat Islam suko ka baliau ko, sehingga beliau digadang gadang jadi presiden atau wakil presiden.”

“Iyo tu mah… Pak Gatot Jendral yang dakek samo ulama, bahkan saat aksi 212 beliau hadir bana di panggung basamo Habib Raziq Shihab.” 

“Atau dek dakek Jo para ulama itu ndak, makonyo presiden nyo ganti pak Gatot ko capek capek?”

“Ah…. Waag ado ado sajo mah… Hoax carito wang jadinyo mah. Alah mah kito akhiri sajo sampai disiko ota pagi awak, kok ditaruih kan juo ado ado sajo beko, nyo balanggu tangan wak diurang beko.”

“Sia pulo nan ka mambalanggu, pak Kapolres awak kini nyo pai ka Bali basamo jo Pak Bupati Pessel. Bupati Pessel kan kini nyo dapek penghargaan ciek lai dari media Seven karano dinilai sebagai Bupati terbaik,”

‘Oooooooooo”… Mereka pun meninggalkan Lapau Mak Gambuang stelah membayar kopi kepada sipemilik Lapau.

By Pilar