Pessel Pada Malam Pergantian Tahun Apa Kabar?

PILARBANGSANEWS.COM. BATANG KAPEH,–

​Tam Arang dan Utiah Kapeh mangatokan, tahun baru kini tingga 9 hari lai, biasanya anak anak mudo awak bia di kota walaupun nan tingga di kampuang kampuang, pada tahun baru ko bajago jago  dari sanjo sampai paraksiang manunggu pagantian tahun.

Ado nan pai ka tampek tampek nan rami, mambaka baka ban ka tapi tapi pantai, bacampuah bujang jo gadih, padusi jo laki laki. Sapinteh lalu samo co urang lakibini.

Nan labiah parah nyo ditampek tampek wisata, habis pergantian tahun baru ko alat sarung onderdil baserak beserak. Itu mujua, lai pakai mantel, ko ado pulo mantel tapakai tapi lakeknyo tak samparono. 
Akibatnya 2 bulan kamuko banyak anak kamanakan awak nan gadih gadih tak datang bulan. 

Bagi nan ndak tahu  apo itu datang bulan, lah jadi sajo manjalang 8 bulan. Cukuik 9 bulan lahialah cucu kito lai ba ayah tapi tak jaleh sia kadituduah urangnya. 
Akibatnya ado bayi sirah nan babuang. Mujua kok lai nan tahu, kok indak paja sirah baru lahie tu lah mati sajo dikarabungi dek Samuik Gata.

Karano itu  Tam Arang Jo Utiah Kapeh ,  mancubo maingekkan, lupo lupo bakanakan kok talalok bajagokan, kok ado anak gadih jo anak bujang awak jan lah diizinkan juo pai bamalam malam marayokan tahun baru itu. Salain itu bukan budaya awak, juo talarang dek agamo. 
Maniru niru ugamo lain kato Rasullah samo lah sato ikuik masuak ka agamu urang  itu. Jatuahnyo manjadi murtad.( maaf ini bukan SARA ).

Di Kabupaten Pesisir Selatan, Bupati Hendrajoni Dt Bandobasou jaleh jaleh mangatokan  no commemorate the new year. No kembang api nan diluncurkan ke udara, no musik hinggar binggar kok ingin juo bajago kato Bupati labiah rancak pailah ka Musajik laksanakan sholat tahajud. Tapi kalau indak, lalok sajolah dirumah masing masing, katiko sholat salasai sholat subuh banyak banyak zikir tampuangkan tangan, bado’alah katiko itu, do’anyo supaya tahun 2018, awak kok dapek dipanjangkan Umua dan semoga limpahkan hidayah dek ALLAH SWT. 

Aamiin YRA