PILARBANGSANEWS. COM. BATANG KAPEH,—
Tam…., lai ado ang mambaco berita di media media Online?” tanya Utiah Kapeh membuka ota mereka pagi ini Jum’at (29/12), begitu mereka sampai di Lapau Mak Gambuang.
“Alun tacacah ikua den ang lah langsung batanyo, mengenai berita Online. Tunggu lah den duduak dulu baru batanyo. Ang indak taat adat sayangnyo. Manurik petitih adat, batanyo lapeh arak barundiang sudah makan. Kini duduak sajo den alun lah lansuang ang batanyo. Bisuak jan ang ulang juo ndak,” kata Tam Arang sedikit dongkol dengan sikap kawan arek konco palangkinnya, Utiah Kapeh.
“A iyo duduak lah dulu,” jawab Utiah Kapeh sambil memesan kopi sakarek pada pemilik Lapau Mak Gambuang.
“Kini ang kok ka batanyo, batanyo lah lei. Berita apo dan media online nan ang mukasuik? Lai ndak berita hoax, sabab kini banyak bana berita di Facebook dan media nan memberitakan kaba hoax, angkok angkok sa caritonyo.”
“Indak hoax doh, kaba ko adolah bana bana tajadi pada patang Raba‘a malam Kamih.”
“Apo kabanyo tu?”
“Kapolres Solok Kota AKBP Dody Setiawan Pendeka Mudo Kayo, SIK MH, basamo samo jo anak buahnyo, berhasil menangkok pengedar ganja antar provinsi. Ndeh kok ado ang mancaliak, saroman menonton Film spay (harus ditulis Spy-ing ) Hongkong awak.”
“Baa mangko bantuak Film spay Hongkong pulo kato ang?”
“Bakaja-kaja, tembak menembak bagai,” kato Utiah Kapeh.
“Nde yei…, ngeri tu? Dima dapek nyo dek pengedar ganja tu paho ayam mangko bisa lo nyo manembak ?”
“Ngeri ngeri sedap begitu den tiru kato Alm Sutan Batugana. Pokoknyo bana bana saroman nonton filmnya Spay awak.”
“Tanyo den ndak ang jawab doh, kato alm Sutan Bhatoegana pulo nan ang sabuikkan.”
“Kok mampalamak carito, sambia maingekkan ka pembaca awak supayo ingek baliak ka alm Sutan Bhatoegana,”
“Ow…, baitu lanjutlah…”
“Pak Kapolres nan baru diagiah gala Datuak dek Lembaga Adat Di Solok itu, nyo dapek info akan ada urang membawo ganja jo oto jalan darat dari Aceh ke Solok,”
“Trus…,”
“Nyo intai dek pak kapolres ko basamo anak buahnyo. Saat tersangka pengedar itu malinteh di Biteh Nagari Kacang Kec.Singkarak Kab Solok. Diambek basamo Samo. Tapi tersangka nan berinisial FR tu, tak baranti otonyo doh. Malah hapia ka malendo pak Dony Setiawan, untuang dielakkan capek. Kalau tak dielakkan kok tak patah setidaknya Kapolres luko luko.”
“Sudah tu?”
“Oto nan nyo baok dek FR taruih malaju kancang setelah sempat nyo hantak oto nan menghadangnyo. Untuak mangalabui petugas nan mangaja dibuangnyo beberapa bungkus ganja, supayo polisi baranti mangaja dan mangumpuahkan bungkus nan taserak,”
“Trus….”
“Kapolres sempat maagiah tembakan peringatan, karano tak amuah baranti, sudah tu nyo tembak dek pak kapolres ban oto FR. Tembakan pak kapolres dibaleh dek FR, sambiah manancap gas supayo otonyo malaju kancang, ban nyo nan lah kempes dipacunyo taruih,” kata Tam Arang terdiam sejenak.
Kemudian dia melanjutkan ceritanya; “tersangka taruih mamacu otonyo sampai di Jorong Lembang Nagari Singkarak Kacamata X Koto Singkarak, disitu, lah manunggu personil Polres Solok Kota dipimpin dek Wakapolres. Disiko baru berhasil menyetop oto tersangka FR, dengan caro mambalitangkan oto polres ditangah labuah. Karano tak dapek lewat otonyo, tersangka nan anggota polisi tapi kanai pecat karano tak masuak masuak dinas itu, lari kadalam sawah. Disko tersangka tapaso dilumpuhkan dengan tembakan ke arah kaki. Nan Kanai tembak pangka pahonyo bahagian belakang. Inyo taduduk tak bisa lari.”
Sudah itu?
“Di dalam oto tersangka ditemukan Ganja sebanyak 70 Paket Besar Ganja. Selain itu Polisi manyita Barang Bukti lainnya berupo : sabungkuih ketek Shabu dan ciek alat hisap berupa Bong, 1 buah buku tabungan Bank BRI An. FR, 1 buah buku tabungan Bank BNI 46 An. FR, 2 Unit HP Jenis Samsung, 1 Unit Mobil Toyota Rush Warna Silver No.Pol : BA 16xx RN.”
“Kato ang FR ko lah baranti jadi Polisi Polres Langsa, Dima dapek paho ayam tu dek nyo? Nyo sewo atau senjata pistol (senpi) rakitan?”
“Iko nan tak tak ado diberitakan, apokah senpi itu rakitan atau nyo bali atau Sewo?”
“Beko kito suruah pak YY, mananyokan ka pak Kapolres Doni Setiawan Dt Pandeka Rajo Mudo, satantang kepemilikan senpi itu,” kata Utiah Kapeh mengakhiri ota nya menceritakan peristiwa penangkapan pengedar ganja antar provinsi nan lah ditangkok kapolres basamo anak buahnya. Selamat Pak Kapolres.