Arie Tanjung Yang Nyatakan Siap Maju Pilkada Pessel Sekarang Kemana?

Batang Kapeh, Pilarbangsanews.com, — “Tam…, takana dek deyen uda Arie Tanjuang nan acok ma unggah foto di Facebook nan katanya nan ka mancalon diri jadi bupati Pasisir Selatan dulu dima beliau tu kini, ” kata Ujang Saga pada Tam Arang ketika membuka ota lamak mereka pagi ini di Lepau Mak Gambuang.

“Iyo lah jarang liau muncul muncul di Facebook ndak, Jang. Biasonyo liau rajin unggah unggah foto karajonyo,” kata Tam Arang menjawab.

“Kalau dulu lai ado juo deyen mancaliak foto foto nyo pai ka Thailand, ka Malaysia dan ado juo foto nan sadang menandotangani surek surek nan liau unggah di Facebook, ” sela Mas Tartok.

“Surek apo nan liau tandatangani itu Mas?” tanya Ujang Saga

“Surek kontrak karajo bantuaknyo, ” Jawab Tam Arang.

“Baba-baliau tutu aaapo ka-ka-karajo beliau tu Jang? ” Udin Gagok bertanya.

“Deyen ndak lo tahu bana doh, apo karajo nyo. Katanyo inyo punyo PT yang bergerak pada usaha pengeboran minyak lepas pantai,” jawab Ujang Saga.

“Tu kini apo garan mangko tak ado beliau ma unggah foto dan kegiatannyo tu lai? Apo lah tasisusuruik pangana e, untuk tajun ka politik? ” tanya Pakie Teliang.

“Den raso mungkin kini beliau sadang “bersemedi” untuk mengumpuakkan energi positif nyo, mah ka mahadapi pemilu namonyo mah, ” jawab Tam Arang menduga duga.

“Kabanyo liau sakik, ” kata Pakie Teliang.

“Dima Pakie dapek kaba nan mangatoan uda Arie Tanjuang tu sakik?” tanya Ujang Saga.

Muncul pertanyaan dari Ujang Saga, karena dia heran, Pakie Teliang kok tahu dia kabar Uda ArieTanjuang, dari mana dia dapat info. Sebab kalau dari Facebook tak mungkin. Karena pakie Teliang matanya sudah lama tak menampak lagi.

“Ujang Saga heran yo ambo dapek info padahal ambo tak pernah pegang HP apalagi main Facebook pulo,” tanya Pakie Teliang.

Iyo dima Pakie Teliang dapek kaba tantang Uda Arie Tanjuang itu? ” tanya Ujang Saga.

“Ado kamanakan ambo nyo tingga di Batam. Pak Arie Tanjuang ko kan acok nyo ka Batam itu. Baru baru ko nyo membuek PT ciek lai, pengelolaan disarahkan ka urang urang kepercayaanya. Kamanakan ambo tu kawan arek jo anak buah uda Arie. Jadi dari inyo ambo dapek kaba nan mangatokan uda Arie tu kini sakik mato, ” kata Pakie Teliang.

“Baa mato Uda Arie itu?” tanya Ujang Saga.

“Rincian nyo ambo ndak tahu bana. Cuma ambo dapek kaba beliau sakik mato. Dan beliau sadang barubek kini,” ujar Pakie Teliang.

“Kok sakik mato bahaya tu mah Kie. Apo sabab beliau sakik mato. Dek karano manyalam di lepas pantai ndak. Maklum karajo beliau itu kan pengeboran minyak di lepas pantai, ” kata Ujang Saga.

Loading...

“Pasiak Ujang Saga mah. Iyo uda Arie tu nyo pengsuaha pengeboran minyak lepas pantai tapi karajo nyo ndak inyo nan manyilam di lawik nan dalam itu doh. Itu karajo anak buah e mah, liau kan bos di PT nan nyo punyo,” kata Pakie Teliang membantah.

“Kalau uda Arie Tanjung tu Iyo takah nyo jadi calon bupati mah Jang,” kata Pakie Teliang lanjut memuji Arie Tanjung.

“Pakie Teliang jadi tim sukses uda Arie Tanjung tu bisuak?” tanyo Ujang Saga.

“Ndak…., ambo ndak sato doh. Ambo bia jadi penonton sajo, ” sebut Pakie Teliang sadar bahwa dirinya tak mampu untuk jadi tim sukses karena tak punya saudara di Kabupaten Pesisir Selatan. Berbeda dengan Tam Arang dan Utiah Kapeh. Mereka memiliki banyak saudara di Kabupaten Pesisir Selatan yang bisa diarahkan untuk memilih calon yang mereka dukung.

“Ba’a mangko Uda Arie Tanjung, Pakie, katokan inyo takah jadi calon bupati? ” Tam Arang bertanya.

“Mano nan takah Arie Tanjung dari pado Uda Paul ( Yul Afnedi) ketua DPD PAN Pessel. Kaduonyo samo samo dari Kecamatan Tarusan, kan Kie? ”

“Iyo samo samo takah kaduonyo. Nan ciek hitam manih nan ciek lai kulitnya agak kuniang lansek. Kok sempat salah seorang jadi bupati, lai bangga awak mancaliak Bupati Pessel itu gagah, ” jawab Utiah Kapeh.

“Bedanyo nan surang ado partai dan nan surang lai ndak ado partai, tapi inyo ka maju secara independen, ” tambah Tam Arang.

“Uda Arie Tanjung tu maju secaro independen lah mulai nyo mengumpulkan KTP warga Pessel, Tiah?” tanya Tam Arang.

“Tu lah a.., nan ndak dapek kaba den. Antah alah antah alun. Tapi mangumpuahkan tando tangan itu repot juo ndak, Tiah? kata Tam Arang.

” Iya repot lah Tam, pasti orang enggan ngasih foto copy KTP,” kata Mas Tartok menyela.

“Maksud Mas Tartok, minta foto copy KTP itu dari masyarakat harus dibayar?” tanya Tam Arang.

“Ya begitulah kira kira, ” jawab Mas Tartok.

“Aduh main duit semua ya, Mas? ” kata Tam Arang.

“Pepatah Minang kan sudah mengatakan, nak baik budi paelok baso, nak mulia isi adat jo limbago, ” kata Mas Tartok.

“Wow Mas Tartok pandai berpatitih, ” kata Utiah Kapeh.

“Tapi uda Arie Tanjung ko lai ndak Bariak sajo nyo Tiah? Sabab Bariak tando tak dalam, bakucak tando tak panuah, ” kato Ujang Saga.

“Kok itu nan batanyokan ka deyen, tak bisa lah deyen manjaweknyo Jang. Bisuak tahu kito apobilo nyo laporkan harto kekayaannyo ka KPK. Sabab kini bagi seorang yang jadi bupati kan harus dilaporkan kekayaan ka KPK. Jadi wali nagari/kapalo desa sajo kini balaporkan kekayaan calon, ” kata Utiah Kapeh mengakhiri ota lamak mereka pagi tadi di Lepau Mak Gambuang… (****)

Baca juga;

Loading...

Tinggalkan Balasan

Alamat email Anda tidak akan dipublikasikan. Ruas yang wajib ditandai *