Caracau Mery Ame (13) ; Pakai Kaco Mato Salaweh Dulang Kue Talam
Kaco mato banyak fungsi dan kegunaannyo. Satiok urang bisa babeda bagi nyo fungsi kaco mato itu.
Bagi aku contohnyo, kacamato dipakai untuak meningkekkan raso picayo diri, bahaso kekiniannyo PD, disamping manjago mato tak kalimpanan, kalau awak sadang manangadah.
Bisa juo untuak maabek mato jan masuak abu saat awak ba honda.
Untuak mahambek virus Corona kaca mato nan aku pakai diateh tu ndak bisa do gaes.
Jan PD lo kalau ado nan punyo kaco mato nan sagadang kacamato aku tu bisa digunakan untuak mahambek virus. Kalau ado berita nyo kalua di media online, jan pacayo, berita hoax tu mah.
Bagi aku gaes a, kaco mato baguno bana. Incek mato aku kan gak tebucilak saketek, kalau pakai kaco mato ndak nampak di urang mato awak nan gadang tabuncilak ko, gaes .
Bisa manyuruak awak dibaliak kaco mato laweh tu gaes.
Selain itu kacamato nan gadang ko, sasuai bana jo wajah aku…
Kalau tak dilampok pakai kaco mato, jaleh bana nampak e wajah aku ko gaes, laweh tu panjang lo lai, hampia samo laweh nyo jo dulang kue talam ubi gaes.
Nan terakhir guno kacamato gadang ko bagi aku gaes, disaat ndak situasi awak buliah bebas kalua rumah aku acok pakai kaco mato itu gaes.., brtambah manih wajah aku di buek e gaes.
Nan penting bana pakai kaco mato ko bagi aku, gaes a. Kalau ado tukang julo2 nan ka mamintak tunggakan, tak jadi doh. Karano tak nampak dek e, aku do lai, gaes.
Padahal tukang julo-julo tadi lah baradu hiduang e jo hiduang aku gaes.
Kalau gaes, pakai kaco mato gadang itu untuak selfie sajo yo? Sudah tu baposting di Facebook. Ancak mah… Aku ka mancubo pulo macam itu gaes…..
Editor: Mande Hanifah
Baca juga;