.Tam Arang dan Utiah Kapeh

Amak Den Ndak Covid, Tapi Disuruh Nekan Surek. Baca Dulu Baru Komentarnya ya Gaes….

Batang Kapeh, PilarbangsaNews, —

“Amak den tingganyo tu jauh disuduik Kampung. Jan ka balai, kalua rumah sajo amak sarik. Bilo lo ka tatular dek si covid-19 itu. Liau sakik, Sakik jantung, katika dibaok ka rumah sakik, a  kato urang rumah sakik, apak teken surek dulu lai amuah, kalau nanti amak apak maningga kito anggap liau Covid dih,” begitu kato petugas rumah sakik.

Cerita diatas diungkit kembali oleh Ujang Saga pagi tadi saat mereka maota lamak  di Lepau Mak Gambuang.

“Kan iyo tu urang rumah sakik itu lah nyo Covid sajo urang ko, ” kato Mak Gambung menyela dari sudut pintu dapurnya.

“Sabab den danga, kalau pasien Covid Rp60 juta  sorang  pasien didanai dek pemerintah, bilo ado pasien  nan mati, mako nya urang rumah sakik baniat bana nyo, nan ka banyak lah urang mati dek Covid ko,” kata Mas Tartok ikut ikutan menuduh.

“Sudah tu baa lai, jang?, ” tanya Pakie Teliang.

“Karano ibo mancaliak kondisi amak, lah ciek ciek hangok liau, den teken sajo surek itu. Mano takadia lah, ” tambah Ujang Saga.

“Kini amak baa ?” tanya Pakie lagi.

“Lah cegak liau, Tu lah pai lo liau ka Kalimantan dakek anak liau nan bongsu, nyo malahiekan pulo, ” kata Ujang Saga.

“Tunggu lu den batanyo ciek,” kata Tam Arang.

“Hanya itu kecek petugas Rumah Sakik? Ndak ado tambahan nyo.. Misalnya kami ambiak spesimen amak apak, di Swab dulu amak apak tu kalau alun kalua hasil swab nyo, nanti kok maningga liau kito anggap liau positif. Ndak ado macam itu kecek petugas itu, ” kata Tam Arang bertanya.

“A…, lai…., lai…, lupo dan tadi,” kata Ujang Saga.

“Kalau macam itu, memang bantuak itu direkomendasikan oleh WHO ( organisasi Kesehatan Dunia) dan Kemenkes RI untuk menangani pasien di musim Covid, untuk menjaga jangan  sampai banyak yang terpapar, ” kato Tam Arang.

“Batuah macam itu. Kini den tanyo awak sorang sorang, kok awak nan jadi petugas itu, lai berani awak manarimo pasien yang alun tahu apokah terpapar atau indak? Sadangkan lai macam itu Hati-hatinya orang rumah sakik lai banyak juo nan maningga, ” kata Utiah Kapeh.

Baca juga;

CEK FAKTA: Hoax dan Menyesatkan Pernyataan Aliansi Dokter Dunia Sebut Covid-19 Tidak Ada

Catatan Ringan Dari Rusunawa Painan (15) ; Uji Swab 2 X Nagatif Baru Pasien Diperbolehkan Pulang

Jadi intinya jan lah capek capek bana menuduh nan bukan bukan ka urang rumah sakik itu. Pitih  memang bisa mengatur dunia tapi ado hal yang tak bisa digadaikan.

Apo tu?

INTEGRATED AND DEDICATED …, ” Kata Labay Litak mengakhiri ota lamak mereka…

Tinggalkan Balasan

Alamat email Anda tidak akan dipublikasikan. Ruas yang wajib ditandai *