Bayang Tak Perlu dan Tak Butuh Jabatan Wakie Bupati ?
Pekanbaru, PilarbangsaNews.com,–
“Tam…., pagi kini ota lamak awak, membahas tantang pernyataan buya Piyai yo, saat nyo kampanye untuk pasangan calon nomor urut 1, RA-NAsta, di Bayang Utara. Kampanye itu alun lamo ko lai, a,” kata Utiah Kapeh membuka ota Lamak mereka pada hari Minggu pagi ini.
“Buya Piyai ko nan ma urangnyo ?” tanya Tam Arang.
“Alun kenal ang samo urangnyo?” tanya Pakie Teliang.
“Kok lah kenal manga den tanyo,” tangkis Tam Arang.
“Dulu beliau ko Wakil Ketua DPRD Pesisir Selatan dari Partai Nasdem. Terus kapatang ko nyo cubo maadu untuang ikuik pileg anggota DPRD Provinsi,” kata Utiah Kapeh.
” Lai tapiliah?”
“Gagal. Alun ado suratannyo jadi anggota DPRD Provinsi. Inyo kalah dari Bakri Bakar. Sahinggo otonyo kini parkir dulu manjalang pileg nan katibo tahun 2029,” Utiah Kapeh menjelas.
“Kini otonyo tagak tu?” kata Tam Arang lagi untuk menyakinkan dirinya apa jabatan dari Buya Piyai sekarang.
Baca juga:
“Tiah… Buya Piyai nan ang mukasuik kan nan banamo H Aprial Abas itu kan?,”
“Bana…, apo ado selain H Aprial Abas disapo dengan Buya Piyai,” kata Utiah Kapeh bertanya.
“Kini otonyo kan tagak tu a, a kegiatannyo lai tu?” tanya Pakie Teliang.
“Liau ko pengusaha dibidang jasa kontruksi, kontraktor istilahnya kalau ndak salah. balau ko indak bana jadi anggota DPRD nyo lah kayo rayo sajak ketek, mah,” kata Mas Tartok mencoba menjelaskan tentang siapa Buya Piyai.
“Setelah tak tapiliah jadi anggota DPRD, buya nyo maundurkan diri jadi Ketua Partai Nasdam,” tambah Mas Tartok.
“Ndeh…., iyo matang buya Piyai bapolitik, tahu inyo akan ditendang urang jadi ketua Partai Nasdem, capek capek nyo maundurkan diri sabalum Partai Nasdem Pessel mengadokan Muscab.,” ulas Utiah Kapeh.
“Jadi kini Buya Piyai jadi a lai?”
“Kini buya jadi jurkam pasangan kandidat nomor urut 1 RA-NAsta,”
“Kalau awak sato jadi jurkam atau timses pilpres, awak lai ado jabatan nan ka diarok. Kok indak bana dapek jadi menteri satidaknyo jadi komisaris BUMN atau Dubes diagiah juo jabatan dek Presiden,” kata Ujang Saga.
Baca juga;
“Ka ka kalau ja ja di Ti tim sss ses pa pa pas pasangan cabup/cawabup kok nyo ja ja jadi bi bi bis bisuak apo awak nan dapek,” tanya Udin Gagok.
“Nyo angkek dek pak bupati tu, awak jadi komisaris rumah sakik, atau komisaris PDAM atau diluluskan tes jadi ketua Baznas Kabupaten,” kata Utuah Kapeh.
Tapi lanjut Utiah Kapeh, kalau manang nan diawak, kepuasan batin tu kama kadicari. Awak puas usaha awak berhasil memilih pimpinan nan sesuai jo hati nurani demi Pessel… Kepuasan batin tu nam kito cubo marabuiknyo…
“Ciuuuuuui,” sambut Ujang Saga yang mungkin banyak tak dipahami oleh pembaca.
“Tapi Lai dapek juo yo,”
“Lai…. Tapi ketahui lah bahaso politik itu melibatkan urang banyak, nan menikmati hanyo segelintir sajo nyo,” kata Utiah Kapeh mengutip pendapat seorang politikus dunia, namun Utiah Kapeh lupa nama poltikus itu.
“Baa mangko Buya Piyai nyo kini mati matian bana mandukuang RA-NAsta,” Utiah Kapeh mengajukan sebuah pertanyaan.
“Sabab Buya kini kan lah lengser di Partai Nasdem, nyo mungkin ka masuak ka partai nan mendukung RA-NAsta,” ujar Mas Tartok memprediksi.
“Di Bayang buya kampanye RA-NAsta, kato buya, RA peralu dimanangkan, memang ado urang Bayang kini nan jadi calon Wakie Bupati, awak ndak paralu doh Wakie bupati tu doh. Sabek dari 4 unsur pimpinan DPRD Pesisir Selatan sadonyo berasal dari Selatan. Marasai awak kalau urang Utara Ndak dapek jadi Bapati,” kata Utiah Kapeh.
” Teganyo buya tu lei. Melecehkan jabatan wakie bupati nan kini calon wakie bupati Risnaldi Ibrahim pasangan dari HJ adolah urang Bayang,” kata Tam Arang.
“Ndak ado perkataan nan lebih santun dan nan sajuak didanga untuk mamacu semangat urang untuk memilih jagoan awak, manga lah kok bakecekkan pulo, awak ndak paralu wakil bupati,”
“Tu lah dek ang Tiah…., dek arok kadapek jabatan bisuak kok manang RA, buya rela mawakafkan dirinya untuk mengatokan jabatan wakie bupati ndak paralu doh,” Pakie Teliang menimpali.
“Batuah mah, padohal jabatan wakie bupati itu jabatan yang cukup strategis kalau lai pandai maabiak hati urang nomor 1,” kata Ujang Saga.
“Kalau baitu kecek Buya Piyai, baa pulo nasib kecamatan nan ndak ado di inyo bupati, ndak ado diinyo wakie bupati, ndak ado unsur pimpinan DPRD dari kecamatan inyo,” tanya Tam Arang.
“Lah sansai awak namo e tu mah.. lah bak balam padi rabah tu mah,” kata Mak Gambuang ikut menyela. Dari tadi Mak Gabuang ingin menyela pembicaraan kali ini dapek kesempatan langsung digas oleh Mak Gambuang.
“Batauh mah Mak Gambuang,” kata Labai Litak.
“Kalau macam itu, kecamatan kami, jadi bupati indak, jadi unsur pimpinan DPRD indak lo, tantu ndak ka dapek jatah kue pembanguna tu doh?”
“Dapat sih dapat, tapi mungkin sangeneknyo,” kata Mas Tartok.
“Tunggu dulu mas Tartok, kalau macam itu jalan pikiran Buya Piyai tantu lah samo lo jo calon nan nyo dukung tu mah,” kata Tam Arang.
“Kok ndak persis samo, satidaknyo 10, 11,” jawab Mas Tartok.
“Kok iyo macam itu ancak pilih HJ-RI, kato tim suksesnyo. Kalau HJ-RI tapiliah pembangunan dibueknyo merata, ndak ado istilah utara selatan, doh,” kata Utiah Kapeh..
“Seetttujuuuuuuuuu,” sambut yang lain dan langsung membubarkan diri pulang ke rumah masing masing menikmati hari libur bersama keluarga. (***)
