KAPOLRES PESSEL DAPAT PUJIAN TAM ARANG
PILARBANGSANEWS.COM.PAKANBARU
“Tam…, pak Kapolres Pesisir Selatan nan kini banamo AKBP Ferri Herlambang S.Ik, apak tu kabanya elok pandai bamasyarakat, acok pai jema’ah ka Musajik,” kata Utiah Kapeh memulai ceritanya pagi ini Selasa (29/8).
“Tapi kalau ang tak ba Helm atau bdak bao SIM, tu ditangkoknyo dek anak buah Kapolres. Lai namua pak Kapolres tu menolong?” tanya Tam Arang.
“Ow bantuak itu munuruik ang nan elok, malangga aturan tu ditolong dek Kapolres baru ang kecekkan Kapolres tu elok yo?”
“Kalau di den nan elok tu yo macam itu yo.”
“Untuang ang indak basakolah tinggi, kok sempat ang sakolah tu elok ratak tangan ang, sempat ang manjadi pejabat. Tabaliak nagari ko ang buek mah.”
“Yo katiko bajabatan ko bisa bakandak hati. Kalau lah baranti, koncek se ndak kamanyapo awak lai. Makonyo katiko bagaraman kunyahkan garaman tu, bisuak kalau lah ndak bajabatan jan arok ang kadiasapo urang. Contoh lah banyak.”
“Kalau den bapangkek den akan luruih sajo, aturan nan ka den tagakkan. Suko tak suko urang den ndak ambiak pusiang asa den bisa managakkan aturan nan lah ado. Ow bisuak den ndak nyo sapo di urang itu lah hukum alam nan balaku. Nan penting amanah dan jalankan. Sabab kalau amanah dilangga urang bangih Allah SWT pun berang ka awak.”
“E., mengenai pak Kapolres Ferri itu apo sajo karajonyo mangko ang katoan elok?”
“Ingin tahu ang? Baco di-ang media On Line punyo pak YY Pilarbangsanews.com ado mah.”
“Tantang apo tu?”
“Bacolah !”
“Den ndak bisa buka internet doh, karano kuota internet lah habis dek buka YouTube pak Bupati Pasisia Hendrajoni jo nyonya beliau balagu Pulang lah Uda baduet.”
“Ow…, jadilah den agiah tahu ka ang, pak Kapolres nyo mambantu seorang jando anak baranak ampek, mambadah rumah sijando itu. Kato pak Kapolres niat itu muncul setelah nyo caliak rumah jando tu badindiang tadiah lantainyo tanah.”
“Dima dapek pitih dek pak Kapolres tu, lai indak pitih hasil anak buahnya tagak dijalan?”
“Ang babayo muncuang ang ko. Itu penghinaan dan pencemaran nomo bayiak tumah. Lai tau ang sajak pak AKBP Ferri Herlambang jadi Kapolres lah jarang polantas di Pasisie nan rahasia dijalan.”
“Tapi iyo Ndak, kini razia nan resmi resmi sajo di Pessel tu. Ndak ado rahasia nan indak resmi lei.”
“Jadi pak Kapolres tu nyo ingin baa polisi si Pessel bisa membantu program Bupati basamo samo mambangun mengurangi rumah nan tak layak huni.”
“Di Pasisia tu kato Ketua TP-PKK Pessel, Bu Lisda Rawdha ado 6000 labiah rumah nan tak layak huni. Iko kalau tak dipasamokan tak kunjung salasainyo. Mako itu pak Kapolres ingin sato Pulo.”
“Kok baitu pak Kapolres ko indak hanyo mambantu menciptakan raso aman bagi warga Pesisir Selatan tapi juo bisa membantu dibidang amal dan mengajak anak buahnya untuk babagi razaki.”
“Pak Kapolres awak ko kato pak YY elok dan ramah ka wartawan ndak samo ho Kapolres Waykanan Lampung nan manghina wartawan.”
“Dima tahu pak YY tu, Kapolres ko elok ka wartawan?”
“Kabanya kalau pak YY ingin konfirmasi berita salalu capek dijawab dek pak Kapolres meski liau dihubungi lewat seluler sajo.”
“A.. Ko baitu iyo elok liau mah. Kito doa kan beliau selalu rajin baibadah murah razaki dan dapek manjalan tugehnyo sesuai dengan aturan sahinggo liau disayangi dek anak buahnya.”
“Aamiin aamiin YRA”, ujar Tam Arang mengakhiri ota paginya.
