Caracau Mery Ame (3) : Apak Apak Jan Cekeh Maagiah Pujian ka Bini Ndak..!
Puaso baru 2 hari, tapi namonyo kami induak induak ko, hari rayo lah takana pulo, walupun ado Corona nan ka manjadi halangannyo.
Lai tahu apak apak tu, apo makasuik aku?
Indak tahu do yo?
Hari rayo atau istilah lainyo hari lebaran, amuah tak amuah nyo ka tibo sajo , kami induak induak sajak kini mato kami lah buputa-puta.
Bara bana kadilarang nyo tatap ka mancigok cigok, mancaliak baju rayo.
Indak dapek pai ka pasa atau ka butik, dek harus stay at home, indak malah… di hp tiok sabanta iklan baju rancak ko mancogok taruih ..
Induak2 tu samo jo padusi .. Kalau lah mancaliak nan mode atau nan lagi trandi, yo hilang pangana dan kasadaran e.
Itulah kordatnya kaum Hawa tu, indak bisa di salahan apalagi kalau dipuji.
Anak ketek yg alun baraka sajo di puji lansuang tanang jo patuah dek saking gadang hatinyo ..
apo lai padusi nan lah cadiak dan jenius ko .. tu ingin tampil cantik, alahurabi ka sanang e bilo inyo dapek pujian kato rancak dek lakinyo ..
Tapi banyak laki (suami) itu nan tak mangarati .. lah babadak bini taba taba, lah balepohkan pulo deodorant dan bibia lah bagencu sirah bagai .. lah baputa2 di mungko suami .. nan laki anok sajo , pujian ka bini alun kalua setek juo .. Lai tahu apak apak tu, nan bantuak itu mangka hati padusi dan manggarutok dalam hati kami dek sikap laki nan acuah sajo.
Beko bakecekkan bini den acok manyambok-nyambok ndak bakatantuan..
Sabana e bukan manyambok-nyambok ndak tantu .. Dima pulo ndak kesal hati e, ndak pernah dapek puji dari laki. Nan laki cekeh bana maagiah pujian ka bini, apalagi kalau usia perkawinan lah lewat 7 tahun.
Jadi pasan awak ka apak2 nan sadang anok2 di rumah .. tolong lah puji bini tu tiok habis mandi .. kapan paralu nyo sadang pakai baju nana buruak cabiak2 sakalipun agiah juo pujian gak sabinjek
“Ndeh .. dedex babang ko yo sabana cantik alami .. justru kecantikan nyo lebih natural pakai baju rumah ko ketimbang manggaya jo baju2 tak jaleh tu …
yg natural ko payah mancarinyo kini dedex ., ” bantuak tu salah satu caro mamuji bini apak apak a…
Kalau bisa macam itu sadonyo suami disaat virus Corona sadang mewabah ko, dijamin pengeluaran suami untuak baju rayo bakurang .. karano bini akan basitahan jo natural kecek laki e tu …
Apak apak ndak picayo? Silahkan cubo dan praktek sajo pado hari rayo nan ka tibo ko…..
Baco juo;
