Caracau Mery Ame (12); Beda Bafoto Kini jo Bafoto Dulu
Sabalum HP android malapah bantuak kini ko, gaes a…, ditampek aku ado 2 urang tukang foto. Nama baliau aku sapo uda Cit jo Uda Mus …
Tiok hari baliau nan baduo ko kaliliang kampuang, jo honda Astrea 70. Keliling kampuang tu nyo mancari urang nan ka di foto gaes …
Sakali patiak, bayarannyo Saibu Piah. Mangko siap bacetak (ba afdruk), manunggu awak 3 hari paling capek.
Uda nan baduo tu gaes a, samparono suko bana “manggaduah” baco marayu aku gaes.
Rayuan baliau bukan ingin menjadikan aku pacar atau cewek indak lo doh, tapi marayu baa aku amuah bafoto gak sapatiak.
Kalau urang mambayie Saibu, aku bisa 500 rupiah.
Tapi kadang aku maleh gaes…, sabab foto aku itu, manuruik aku, ndak rancak doh..
Tapi di uda tukang foto nan baduo tu, nyo kecekan muko ( wajah aku tu) bantuak urang Afrika. Kalau lah mamuji saroman itu, aku lah luluah sajo mah lei. Tadinyo tak ado niat bafoto jadi nafsu aku bafoto.
Dulu aku sangka urang Afrika ko ancak-ancak, bantuak kulik model sampul majalah itu gaes a.
Kiro e kini baru aku tahu, urang Afrika tu kulitnya hitam manih sado e, samo jo aku ko kiro e… Iyo ndak salah uda nan baduo tukang foto itu doh.
Kini kini uda nan baduo itu mangaku dulu mereka acok membujuk aku supayo amuah bafoto, karano aku kalau mambayia foto itu ka baliau ndak pernah bautang malah acok balabiahkan pulo bagai.
Kalau aku dipuji seperti urang Afrika, tu lah batambah bayaran foto jadi Rp 1.500,- begitu uda Cit dan Uda Mus bernostalgia satantang bafoto dulu samo beliau.
Foto foto dulu itu aku Cubo caliak kini gaes…
Hasil foto dulu sabana asli, ndak baduto stek alah e doh.
Kok culun bantuak awak .. yo culun nan ka kalua ..
baminyak rambuik dek talambek keramas .. yo baminyak lo hasil e nan nampak di foto itu.
Foto kini?
kini sajak teknologi lah canggih .. android lah malapah .. aplikasi foto ko banyak .. Kalau awak bantuak urang Afrika dengan pakai HP android bisa berubah bantuak awak jadi urang Korea. Beitu canggihnyo camera foto kini.
Rambuik awak bauban bantuak rambuik ayah yeye tu a, ndak usah ragu, ndak paralu di hitam samo bigen doh. Ado aplikasi foto nan bisa merubah bantuak rambuik itu sesuai jo salero.
Pokok e kini ko gaes a…, bafoto yo sabana ancak hasilnyo pakai HP android.
Makonyo kini, mulai dari nan tuo sampai nan mudo, banyak nan suko bana ba selfie selfie itu, beko ma nan rancak dipiliah untuak di-posting di Facebook…..
Parangai Aku macam itu, kalau gaes lai samo awak?? Heheheh….
Baca juga;
