Caracau Mery Ame (5) ; Hati Raman-raman Nan Kolak Tatap Babuekkan Juo Untuak Si Babank
Sangkek aku ketek ketek dulu gaes a…., mancaliak urang balagu tu tagiah bana rasonyo. Satiok ado acara tonel dikampung, aku ansik amak aku untuk manonton acara tonel tu.
Lai tahu gaes apo itu tonel?
Tonel itu bahaso nan dipakai sawakatu ayah jo amak aku masih bujang jo gadih dulu. Urang manyabuik pertunjukan sandiwara di zaman baheula itu istilahnyo tonel.
Manonton sandiwara tu aku tak tagaih bana doh gaes, sabab akting pemerannya kurang meresap di hati aku. Mungkin waktu itu aku dek baumua masih ketek baru. Nan aku tagiah-an mancaliak urang ba nyanyi.
Mungkin karena tagiah mancaliak urang banyanyi itu, kini dapek babank Nan hobi membuka usaho cafe dan basadiokan fasilitas karokean nyo.
Tahu ndak gaes…., Jadi urang nan punya usaho cafe dan ado layanan karoke ko gaes a… Awak harus pandai galak dan ringan tangan untuk batapuak.
Bara bana ka suliang baliak e suaro urang .. Awak harus tabah dan bapakak-an talingo mandangakan nyo gaes. Bilo lah sudah nyo banyanyi awak harus rela batapuak lambek lo saketek tando mengapresiasi nan menyanyi suaro baliang tadi.
Suatu hari gaes … urang langang tingga lah aku baduo jo babank aku gaes …
Aku bae banyanyi .. lagu aku ko ndak lo tangguang tangung dek kamu gaes ..
Penyanyi Ziana Zain penyanyi malaysia .. nan suaro e sabana rancak nan ndak dapek aka tinggi e ko gaes a ..
Mulai lah aku banyanyi dengan sepenuh jiwa raga gaes .. Pas di nada tinggi tu aku ajan suaro ko saabih dariak gaes ..
Dari aku mulai balagu .. ndak adoh babank aku ko mancaliak sangenuang juo do gaes …
Tapi disaat aku sadang jariah ma elo angok dek nada tinggi, dengan santai e babank aku ko mangecek
“Dek a awak ey ? Manga marahai rahai tu.. “
Ondeh gaes … sakik bana ko hati aku ko gaes. Saking sakik e, namuah ka aku ampok DM Mic ka bahu babank aku tu raso e gaes …
Gaes banalah…, indak tabik rabo gaes tu kalau awak sadang balagu nyo cameehkan di si babank?
Samantaro urang balagu nyo puji walupun suaro nyo baliang, tibo di awak bini e, nyo cimeehkan pulo lai…
Apo salah e .. purak2 nyo puji aku gaes … ..
Kan lai gadang juo hati awak sabagai bini nan lah parau maelo suaro nada tinggi.
Tapi kaa baa lai gaes … Lah macam itu si babank ka aku, ndak nyo puji doh, nan kolak untuak pabukoan lai babuek kan juo nyo gaes walupun didalam hati ko masih ado raman raman saketek..
Baca juga;
