Caracau Mery Ame (6) ; APD Untuk Petugas Puskesmas Kurang?
Apak apak ibu ibu dan dusanak aku sadonyo khusus nan mambaco tulisan iko.
Khusus hari kini aku ndak pakai kato kato gaes kapado kawan kawan, apak/ibu, etek, tante, anduang dan angku angku sado alahe. Sabab nan kini ko serius bana carito awak.. Kalau pakai kato gaes, carito awak itu hanya satangah rius jatuahnyo.
Soman iko mah, apak/ibu, om/tante dan adik uda sekalian, Kini kini ko bilo sakik batuak jo salemo, angkungan gata-gata sakik, pai lah segera ka Puskesmas/ rumah sakik dan tadakek.
Takah kami di Tarusan, Pesisir selatan, kan Puskesmas kami di lockdown tu a, puta honda atau Oto tu pai ka Pasar Baru, pareso diri ka dokter atau ka buk bidan atau perawat.
Lah tibo di Puskesmas, tu urang Puskesmas kabatayo ka wak, seputar penyakik awak. Kalau kini banyak tanyo nyo mah, tantang sakik awak nan awak derita. Sampai nyo batanyo samo sia awak batamu, ka mano sajo awak beberapa hari iko.
Mandanga pertanyaan itu, Jan berang lo ndak apak /ibu, om/tante dan uda dan adiak adiak. Jawab sajo apo adanyo, sejujur jujurnya.
Soalnyo, petugas rumah sakik itu, inyo samo pulo jo awak, samo samo manusia, awak tekuik ta infeksi jo covid-19, inyo takuik juo.
Apalagi APD (alat pelindung diri) untuk petugas di Puskesmas itu buliah dikatokan kurang. Bahkan ado puskesmas ndak punyo samo sakali.
Kok nyo banyak tanyo petugas itu disamping Jan berang, dijawab yo jujur, jan bacaliah ndak.
Kalau awak bacaliah, bedo jadi nyo, apobilo awak dalam kondisi terpapar covid-19. Bisa menular ka bakeh petugas di rumah sakik /Puskesmas itu.
Sudah tu kalau awak dikatokannyo PDP ( Pasien Dalam Pengawasan) ikuti sajo. Rawat kecek petugas ikuti jan manulak pulo.
Petugas rumah sakik itu ndak tagiah pulo inyo awak dirawat doh. Kok ka baiyo bana a, ndak amuah bana awak dirawat secara materi tak ado rugi e nyo doh, malah dek ado wabah ko karajo mereka batambah-tambah.
Petugas puskesmas, mangko mode itu nyo. Iyo inyo lah kini nan jadi tentara awak untuk menghadang dan memerangi serangan covid-19 ko. Awak disiruah mandok dirumah sajo.
Virus ko nan paling wak takuik kan, penularannyo tu a, capek bana, sorang urang bisa menular kan baratuih urang, salagi ado nan bersentuhan dengan droplek nan sakik itu.
Kalau badan wak hebat dan kuat imunnyo (anti bodynyo) elok malah…, mungkin awak nan lah terinfeksi ndak nampak gejalanyo. Dan beberapo hari kemudian awak bisa cegak surang. Itu kalau antibodi awak kuat dan rancak dan awak indak lo ado komplikasi penyakik lain nan sadang awak idok-an.
Tapi bagi yang lamah fisik nyo, ado penyakit lain di tubuhnyo, iko nan babayo mah.
Karano itu kalau ndak juo bisa dirumah sajo, harus kaladang juo ndak baa doh pai lah, tapi pakai masker kok batamu jo Kawan samo gadang, jago jarak jan maota panjang bana, apalagi nan maota suko banyak mahujan tampienyo. Nan soman ko paralu pakai masker.
Hindari kerumunan, cuci tangan acok acok…
Dan jan lupo badoa saat katiko sadang sujuik dalam sholat sujud terakhir. Do’a nan paling makabuah disitu dibaco dan awak mamintak ka Nan Satu. Ndak di Facebook ko doh gaes tampek awak bado’a…..
Oh… Maaf pakai gaes terakhir buliah bisa pembaca galakkan stek, menggalakkan aku dek lupo sasek bianaso….
Baca juga;
Caracau Mery Ame (7) : Uni Upiak Banun Bangih ka Pak Walinagari
Caracau Mery Ame (5) ; Hati Raman-raman Nan Kolak Tatap Babuekkan Juo Untuak Si Babank
