Caracau Mery Ame (11) ; Mailie Aie Salero Mancaliaknyo
Dunia memang semakin maju, ndak ado tasuo dizaman amak amak awak ketek dulu, kini menjadi ado.
Ciek contohnya, dulu urang kalau ba komunikasi jarak jauh hanya lewat surek atau dengan mangirim telegram di kantua pak Pese ( kantua pak pos)
Nan bujang bujang atau anak gadih kini, banyak nyo nan ndak tahu jo istilah telegram itu. Kok ditanyoakan ka inyo.
“Apo ya? gua gak tahu tuh, apa telegram itu semacam virus?” kato nan bujang bujang itu baliak batanyo.
Yo lah kalau kalian ndak tahu, bialah ndak baa doh. Jan dijawab. Tapi samo internet kalian tahu, kan?
“Lai, ” jawab Piak Gencu katika ditanyokan internet ka inyo.
Piak Gencu ko, tasabab banamo Piak Gencu, karano namo siupiak tu ado 15 urang di kampuang tu.
Nan Piak Gencu awak ko mangko disapo Piak Gencu, baliau hari hari, bibie e, sighah taruih a. Ndak pernah bibie Nan tak ba gincu doh.
Ka lalok pun malam malam nyo lepoh kan juo gincu tu ka bibie e…
Beitu carito tantang piak Gencu. Nan ka kito bahas dalam carito kini bukan masalah telegram atau bibie sirah piak Gencu. Tapi masalah manggaleh di online.
Untuak malaluan geleh supayo laku, Bamacam caro e dilakukan urang, apalagi disaat stay at home.
Kini manggaleh tak paralu pakai modal banyak, cukuik ado HP android.
Dengan HP itu awak foto kadai urang…. Tu awak unggah di Facebook awak…
Kok di tanyo dek urang harago jaga Nan awak pajang di Facebook itu .. Cek inbok ya gan… Macam tu jawek e dulu.
Jan dibuka sekali harga, sabab, … Takuik nyo beko disemba dek kawan.. Nyo bukak lo harago murah…
Tatilantang jaga awak jadinyo.
Stategi manggaleh Nan macam iko patuik mandapek apresiasi… Itu namonyo pandai mancari peluang labiah labiah dimusim kini.
Semangat aku ucapkan kepada seluruh pedagang online dimano sajo berado.
Tapi Aku minta maaf yo pedagang online. acok tak manarimo pertemanan kawan kawan di Facebook.
Bukan awak sombong atau acuah atau angeh doh . Tapi awak takuik kilaf mancaliak nan ancak2 tu…
Samantaro pitih aku untuak mambali tak ado doh.. Dari pado aie salero ko mailie dek kaciinan, bialah awak tak bakawan dulu..
Maaf yo sanak……
Baca juga;
