Raffi Ahmad dan Kaesang; Pilih RA-NAsta
“Tiah.., ndak ado lai pendukung pasangan Bupati 01 RA-NAsta nan mamajangkan foto jagoannyo jo urang urang terkenal atau bahaso krennyo jo publik figur?, ” tanya Tam Arang setelah menyeruput seteguk kopi hangat di Lapak Mak Gambuang pagi ini Kamis (14/11/2024).
“Nampaknyo lah mulai redup, ndak ado bana lai foto foto atau video nan ado Raffi Ahmad jo pak RA dan Nasta Oktavian nan dipampang di akun Facebook, ” kata Utiah Kapeh.
“Lah bosan atau baa tu, kiro kiro, ” tanya Ujang Saga.
“Iyolah untuak manjago urang jan sampai bosan mancaliak foto pak RA-NAsta. Sabab kalau lamo lamo bana, takutnya urang bosan. Jadi pendukung 01 itu agak kreatif menciptakan inovasi materi kampanye nyo di media sosial? ” kata Utiah Kapeh.
“Menuruik ang dengan mamampangkan foto Raffi Ahmad samo pak RA-NAsta itu lai ado pengaruh untuk elektabilitas 01?, ” Tanyo Tam Arang.
“Den raso banyak saketeknyo mungkin ado, tapi ndak mungkin signifikan, ” Utiah Kapeh menjawab.
“Baa kok ndak mungkin signifikan. Den raso cukup signifikan. Tau kalian ndak di Surantih itu mangko mambaludak urang datang hadir mancaliak kampanye Buya Mahyeldi dan uda Vasco dan RA-NAsta dek karano di halo-halo kan bahaso Raffi Ahmad nan katibo. Itu mangko urang co samuik malam itu, ” kata Ujang Saga.
“Tu aa Raffi lai jadi datang?” tanya Mas Tartok.
“Ndak jadi doh, karano kabanyo, inyo harus ka Jakarta juo hari itu. Antah sia nan manyuruah pulang capek, den ndak lo tau doh, ” kata Ujang Saga.
“Sabananyo aa Raffi tu datang ka Painan dek dibaok Uda Vasco mancaliak kampuang bini aa Raffi, ” Kata Mas Tartok.
“Uni Gigi bini aa Raffi itu urang awak Painan kiro e yo? ” Pakie Teliang menyela.
“Iyo urang awak Painan, Panai suku nyo, kamanakan kontan dek Pak Syafrizal Ucok Datuak Nan Batuah, ” jawab Mas Tartok.
“Jadi dek karano lah datang ka Painan, nyo sambiahkan dek uda Vasco, maagiah tahu Pak RA dan bang NAsta, mako ba foto foto lah urang ko, sempat lo dibuek video singkek, Raffi muajak audien untuk mamilie RA-NAsta 01,” Kata Utiah Kapeh.
“Ooo ba ba ba itu ca ca caritonyo yo, ” Udin Gagok berkomentar.
“Kalau foto jo Kaesang Pangarep anak Pak Jokowi, baa kok bisa dan dima pulo itu,” Tanya Tam Arang.
“Itulah ka piawaian Pak RA ko, sejak jadi Bupati Pessel, nyo bisa ba foto jo Kaesang adiak kanduang dari Wakie Presiden Gibran Rakabuming Raka, ” kata Mas Tartok.
“Pak RA ko nyo tiru lo gaya pak Jokowi, ” Kata Pakie Teliang.
“Mu mu mukasuik Aangku ti ti turu ba ba’a pu pu pulo, ” tanya Udin Gagok.
“Kalau Pak Jokowi nyo suruah anak dan menantu mulai jadi wali kota. Dari wali kota jadi Wakie Presiden. Berhasil, sudah tu menantunyo jadi wali kota kini jadi Gubernur antah lai ka berhasil antah indak. Sudah tu kini Kaesang dipaciknyo pulo ketua PSI, ” kata Pakie Teliang.
“Nan Pak An, anaknyo disuruahnyo ikuik caleg. Walaupun banyak meraup suaro, gagal dek nyo pak Darizal Basyir tapiliah baliak jadi anggota DPR-RI, Tapi alun berhasil anaknyo duduk, ” kata Pakie Teliang.
“Jangan jangan pada pilkada kini ko pak RA gagal pulo jadi Bupati, samo jo anaknyo nan gagal jadi anggota DPR-RI, ” kata Tam Arang.
“Onde Mandeh, Tam Arang ko lai. Ndak suko ang Pak RA ko jadi bupati baliak lanjuik 2 periode? ” tanya Ujang Saga.
“Awak bicara bukan soal suko tak suko, tapi soal keberuntungan/keberhasilan. Kalau pak Jokowi berhasil menjadikan anaknyo, pak RA ndak berhasil apakah itu sebuah sinyal untuk kegagalan pak RA pada pilkada nanti? ” kata Tam Arang.
“Kalau soal sia ka manang nan ka jadi bupati, kito tunggu sajo lah salasai pamilu dan salasai perhitungan suara. Jaleh jantan batinonyo mah, ” kata Pakie Teliang.
“Takana dek den, Pak HJ-RI, baa pulo? Ndak mambo artis atau publik figur dari Jakarta pulo foto basamo? ” Tanyo Ujang Saga.
“Kalau pak HJ cukuik jo Bunda Lisda sajo. Sabab kalau untuak Pasisir Selatan, ndak talok-talok dek Raffi dan Kaesang bagai kalau soal maajak urang untuk memilih calon bupati. Bunda Lisda tu lah banyak batanam (berbuat baik-pen) ke masyarakat Pessel. Secara nasional pun Bunda Lisda diakui sebagai 7 orang wanita Indonesia yang berpengaruh, ” kata Utiah Kapeh.
“Jadi kalau baitu den tanyo mano nan suko kalian, RA jadi Bupati atau HJ?” Kata Tam Arang.
“HJ-RI, ” Utiah Kapeh memilih.
“RA-NAsta, ” Udin Gagok tak gagap ketika menyebut calon idolanya.
“HJ-RI, ” Pakie Teliang.
“HJ-RI, ” Labai Litak.
“RA-NAsta” pilihan Pak Sunguik.
O ya. Pak Sunguik adalah anggota baru di Lapau Mak Gambuang. Dia dipanggil lak Sunguik karena kumisnya tebal melintang mirip dengan kumis pak Raden tokoh cerita Unyil tempo dulu.
“HJ-RI, ” Ujang Saga memilih.
“HJ-RI, ” Mak Gambuang memilih HJ-RI karena dia kenal betul dengan Bunda Lisda yang dulu sewaktu suaminya HJ jadi bupati, Bunda Lisda sering berkunjung ke lapau mak Gambuang.
Terakhir Labaik Litak. “Ambo bialah pilih HJ sajo sabab menurut survey terbaru HJ-RI manang dengan 58% suara, ” Kata Labai Litak sambil menutup ota lamak mereka pagi ini.
