Tam Arang ; Kok Sering Ya Gubenur Sumbar Keluar Negeri?

“TAM…., pak Gubenur awak Irwan Prayitno ba’a ko acok bana pai ka Lua Nagari, tiok sabanta se liau tu ka lua, kapatang ko ka London, sudah tu kini pai lo ka Kanada,” ujar Utiah Kapeh bertanya pada Tam Arang pagi ini (27/8), disaat mereka minum kopi pagi disebuah kedai di kota Pakanbaru, Riau.

“Kok pai liau kalua nagari apo nan mambuek pangana ang samak, baa ko wang pulo nan ranyang?”

“Waden ndak ranyang doh, tapi apo keuntungan  liau tu pai ka lua Nagari tu acok acok, apo keuntungannyo didapek bagi daerah, bekolah kepentingan masyarakat,”

“Kepentingan daerah samo kepentingan masyarakat ko ang pisah pisah pulo, mano bisa. Sabab kalau lah barauntuang daerah Mako masyarakat didaerah akan ikut manarimo dan marasokannyo ?”

“Kepentingan daerah itu kan alun tantu secara lansuang membawok perubahan kepada masyarakat ,” 

“Tu lah sasek  caro bapikia ang mah. Ndak ang caliak pemerintah nyo bangun jalan mulus mulus, beko banyak oto nan lalu dijalan tu mah. Itu tandonyo pemerintah membangun prasarana beko dilengkapi dek masyarakat membangun/mambali sarana transportasi, ado nan mambali oto baru ado nan oto sekend sajo  ?”

“Dulu katiko jalan ka Pasisia ko masih buruak, urang nan punyo oto buliah dihetong jo jari sajo. Kini satiok 50  rumah, ciek ( 1 )  rumah diantaronyo lah ado ba oto sorang. Itu tandonyo pembangunan prasarana transportasi akan memicu urang untuak mambali sarana transportasi itu.”

“Kini kembali awak ka carito pak Gubenur nan acok pai Ka Lua Nagari.”

“Mo lah…”

“Pak Gubenur nyo baok pulo Bupati. Katiko ka London dibaok pa Bupati Bupati Pessel Hendrajoni samo Bupati Solok Selatan atau Solok, de lupo.Kini Pai ka Kanada nyo baok juo Bupati Pessel dan Bupati Padang Pariaman.”

“Bupati Hendrajoni tabaok taruih Yo Tiah?”

“Kalau Bupati Pessel ko paralu dibaok taruih sabab potensi objek wisata Pessel ko tak ado tandingannya kini untuk pulau Sumatera. Kawasan Mandeh  itu lua biaso indahnya kato urang Rajo ampatnyo Pessel.”

“Pai kalua Nagari tantu tujuannyo mempromosikan potensi tadi kok ado urang nan baminat untuak berinvestasi baru bisa potensi itu maju dan bertaraf Internasional. Kalau ndak ado ka bantuak itu sajo tu nyo. Bajalan ditampek sajo perubahannyo.”

“Tapi kawasan Mandeh itu ado wakil menteri ESDM nan ka maadokkan pado pengusaha Arab. Baitu dulu kato pak Nasrul Abit pernah diberitakan.”

“Kini sia nan dulu sajo datang maminang Jo itu jodoh ka bajadi. Kadang pengusaha ko siapo sajo bangsonyo, banyak kandaknyo. Pemda harus nyo panuhi.”

“Nan indak banyak kandak dan syarat nan ka dicari Tiah.”

“Itu lah kini nan sadang diusahakan dek pak Gubenur SUMBAR, sia nan datang melamar itu nan ka ditarimo.”

Ko macam itu ancak mah Tiah, ndak baa tu doh pak gubernur tu pai ka Luar Nagari. Pai ka lua Nagari itu bukan untuk basanang sanang tapi urang rumah beliau dibaok juo. Di dalam nagari urang rumah liau biasonyo sebagai urang nan meresmikan pameran. Tapi di Kanada,  ibu Nevi Irwan, Ibu Lisda dan Ibu Rena Ali Mukhni, manjago stand pamaren liau disitu.  Itu dilakukan demi Sumbar juo.”

“Ow kok baitu den ndak usil lai doh. Bialah pak Gubenur acok pai ka Lua Nagari supayo urang bisa berinvestasi di Nagari awak ko.”

“Mantaf,” kata Utiah Kapeh mengakhiri cerita pagi mereka.