Hendrajoni Bukan Seorang Yang Sombong, Jangan-jangan yang Bilang Sombong itu……..

Batang Kapeh, PilarbangsaNews, — “Tam…., menuruik waang iyo sombong pak Hendrajoni itu?, ” tanya Utiah Kapeh sebagai pembuka ota lamak mereka pagi ini di Lepau Mak Gambuang.

“Den raso indak doh, kalau sombong pak bupati itu tantu tak amuah nyo mamaluak urang gaek nan bansek bansek doh, ndak amuahnyo basalam jo mantan guru SD nyo doh, ”  jawab Tam Atang.

Na…. Na.. Nanma- mamangecek pak Jon som-som-bong tu tuu, u…., u-u-ura-ng pasiak mah, Tiah, ” kata Udin Gagok.

“Iyo dek ang Din, banyak lo di Facebook ko nan mangatokan pak bupati tu sombong, anta barometer mano ko la nan nyo pagunakan maukua kesombongan pak Hendrajoni itu,”  kata Ujang Saga agak berang kalau ada yang menjelek-jelekan Hendrajoni.

“Jangan-jangan alat ukur nan nyo gunakan, tu lah rusak. Paralu dibaok ka kantur Dirjen metrologi untuk ulang menera alat ukur itu , ” tambah Ujang Saga.

“Jadi manurik ang pak Hendrajoni itu ndak sombong, tu?” tanya Utiah Kapeh ke Ujang Saga.

“Indak sombong doh, ” Ujang Saga menjawab  dengan yakin.

Berarti lah duo urang diantaro awak na mangatokan pak bupati itu ndak sombong.

“Den sato ciek mangatokan  pak Hendrajoni itu indak sombong doh, ” kata Pakie Teliang ikut berkomentar.

“Dima ang bisa mangatokan  pak bupati itu ndak sombong,  Kie, ” tanya Utiah Kapeh ke Pakie Teliang.

“Ibuk (amak Kanduang) liau tu seorang guru. Guru dizaman saisuak beda jo guru zaman kini. Rato rato guru zaman saisuak kuek disiplinnyo, etika selalu menjadi perhatian nyo.. Kalau guru zaman kini banyak ndak tak ambiak pusiang dengan anak didiknyo. Nan paralu dek nyo muaja lah muaja alah mah, baa parangai anak, mau cindapia, tak ambiak pusiang nyo doh. Sabab kalau guru tu berang sudah tu nyo agiah hukum fisik ka anak, urang tuo sia anak, mangadu ka polisi, si guru telah melakukan kekerasan. Dari pado barusan lebih baik gano sajo. Bapalapeh sajo apo nan katuju di anak tu, ” kata Pakie Teliang.

Jadi ibuk pak Hendrajoni nyo aja anak liau tak buliah sombong, nan tuo di hormati, ketek disayangi, Samo gadang lawan baiyo.

“Jadi ndak mungkin  beliau tu sombong. Itu ban satahu den. Kok ado bana nan mangatokan pak Hendrajoni itu sombong,  sabana e urang nan mangecek itu nan sombong, ” kata Pakie Teliang.

“De-de-deyen sa-sa-sato ciek ma-ma-ngatoan  pak Hendrajoni ndaaaak som-som-sombong doh,” Udin Gagok tak mau ketinggalan.

Mungkin  baiko mah Tiah, pak Hendrajoni tu liau sombong ka urang  nan sombong pulo. Kalau ka awak awak liau tak paralu sombong doh. Sabab awak tak sombong ka baliau.

Jadi Nan baliau sombongi adolah urang urang nan sombong kepadanya.

Baca juga;

Puncak Canggu Tam Arang Tasingguang Dek Induak-induak

Kalau Hendrajoni mengatakan selama dia jadi Bupati Pessel, kabupaten iko semakin tacelak. Apakah dengan mengatakan keberhasilan yang dicapai dia dapat disebut sebagai orang yang sombong?

“Ah…., keterlaluan bana kalian tu mah, “

Maunya kalian Hendrajoni enggak usah bilang apa apa? Begitu???

Manuruik Buya Hamka, urang sombong ka awak dibaleh jo sombong, dapek pahala ciek. Tapi apa bilo tak dibaleh mako pahalonyo dapek Duo.

“Bagi Pak Hendrajoni kini yang penting baa bisa tapiliah sakali lai. Bialah pahalo nan dapek ciek sajo alah tu mah….., ” kata Labai Litak mengakhiri ota mereka pagi ini sambil mengatakan kalau Hendrajoni sombong tak akan ada foto seperti diatas…