​Tindakan Tegas Polisi Militer Membuat bangga Rakyat Indonesia.  

” Salut ambo jo TNI…” kecek Tam Arang ka Tiah Kapeh, katiko 2 galeh kopi angek lah dilatak’an urang kadai, dimuko Tiah Kapeh jo Tam Arang. 

” Apo lo nan tajadi tu…!? ” kecek Tiah Kapeh batanyo ka Tam Arang, sambia balagak dak tau nan ka di otahan dek Tam Arang. 

” Lah heboh urang kini….lah viral kaba ko di medsos..” kato Tam Arang sambia mahiruik kopi angek salayang. 

” Hebat angku kini yo Tam Arang…baru saminggu di Pakan Baru,  lah pakai bahaso canggih.  lah tau lo jo istilah viral..!!??? ” kato Tiah Kapeh sambil tersenyum mengarahkan mukanya melihat Tam Arang. 

” Yo lah.. Apo nan lah viral tu kini Tam Arang ? ” sambung Tiah Kapeh, dek maliek muko tam Arang lah binguang ka manarangkan istilah viral nan dikecek’annyo ka Tiah Kapeh. 

” Ado Polantas kanai tampa dan tarajang ditangah jalan dek tantara…di jalan Jendral Sudirman, banyak vidionyo beredar di hp urang…untuang dak bacakak kaduo urang tu…” kato Tam Arang basamangaik bacarito ka Tiah Kapeh. 

” Di vidio tu den liek nan tantara lah berang berangnyo.. Nyo tampa kapalo Polantas tu.. Nyo sipaknyo onda Polantas tu.. ” carito Tam Arang ka Tiah Kapeh jo samangaiknyo bacarito. 

” Salut aden jo Polantas tu… sampai tantara tu pai…. nan Polantas ko dak namuahnyo malawan do… untung lah nyo dak malawan bisa tamba gadang masalah ko ma ” tambah Tam Arang mancaritoan vidio nan nyo tonton. 

Tiah Kapeh dari tadi diam sajonyo, sambia sakali sakali managuak kopi angek mandangah carito kawan akrabnyo tu sambia senyum senyum. 

” Tu ba’a kabanyo masalah tu lai Tam Arang..!? ” kato Tiah Kapeh ka tam Arang. 
” Dak tau den lai do…singgo tu vidio nan tonton di hp urang tadinyo.. ” kato Tam Arang dek lah abi nan ka dicaritoannyo. 

” Angku kan tau Hp den Hp senternyo….lah bakabek lo jo kajai ” kato Tam Arang ka Tiah Kapeh sambia mancaliak’an hp senternyo nan bakabek jo kajai. 
” Dima Angku liek vidio tu tadi kato Tiah kapeh..!!??? ” kato Tiah Kapeh ka Tam Arang. 

” Tadi den singgah di kadai rokok..den caliak urang sadang nonton vidio tu..sato lo den mancigoknyo ” kato Tam Arang ka Tiah Kapeh. 

Tiah Kapeh cuma galak galak ketek sajo mandangah carito kawannyo nan cuma pandai kasawah tu. 
‘ Kini tantara tu lah kanai tangkok dek Polisi Meliter ” kato Tiah Kapeh ka Tam Arang. 
Mandangah Tiah Kapeh manyampaikan itu Tam Arang Takajuik… baliaknyo batanyo panasaran. 

” Tu ba’a lai caritonyo…!!!??? ” kato Tam Arang ka Tiah Kapeh. 
” Lah diborgolnyo… Lah dimasuak’an ka sel dek Polisi Militer..karano tentara tu disiplinnyo tinggi… Kalau ado nan malanggar nyo tindak tegas dak ado dipadiahkan do ” Kato Tiah Kapeh manyambuang apo nan di caritoan Tam Arang. 

” Tu yo salut den mandangah nyo ma… Sanang hati den deknyo….Bangga den jo TNI ko… ” sambuang Tam Arang mandangah carito Tiah Kapeh. 

” Yo itu nan diharok’an dek rakyat Indonesia ko.. Bertindak tegas bilo ado anggotanyo nan malanggar…baitu pulo handaknyo dek nan lain..bisa mancontoh itu…yo itu nan kito harok’an.” kato Tiah Kapeh ka Tam Arang sambia maabian kopi nan sataguak lai.

” Mo…lah kito caliak cucu kito tu lai.. ” kato Tam Arang ma ajak Tiah Kapeh. Tam Arang menganggap cucu pak YY itu cucu mereka juga, makanya mereka datang ke Pakanbaru memang sengaja ingin menunguin sikecil yang malam tadi habis dioperasi oleh ahli bedah saraf.  

Penulis cerita Rijal AF wartawan Pilarbangsanews.com di Dharmasraya, juga ketua DPD IWO di kota Bekas ibukota Kerajaan Melayu itu.