Caracau Mery Ame (2); Ganti Masker Wak Lampok Sajo Jo Asoy

Kapatang ko dua hari sebelum puaso, aku pai kapasa dek kamu ndak gaes… Banyak urang nan ndak pakai masker gaes…

Marahai rahai lah aku dek kamu gaes manyuruah urang ko pakai masker..

Kicek urang tu gaes nyo ndak adoh ba masker karano ndak bapitih bali masker itu doh gaes.

Sasak lo angok dek mandanga jawabannyo itu gaes.

Sabab aku caliak galang amehnyo gadang, ameh tabali dek e, tapi masker indak doh gaes ..

Karano tingkat kecemasan aku nan tinggi bana.. Demi keselamatan urang banyak..
Aku ambiak ajo tindakan cepat lai gaes…

Aku tutuik kapalo urang ko jo asoy putiah sado e…

Kini aku lun dapek kaba lai gaes…

Antah lai bisa juo urang tu barangok antah indak..

Nan jaleh urang tu salamaik dari virus ..

Tapi salamaik dari musibah lain aku ndak tau do gaes…
Aku ndak ka batangguang jawab do gaes ..

Alah mah gaes.. Hari lah siang..

Aku bae lo senam ciek lai gaes..

Bia naiak imun aku yo gaes..

Baca juga;

Caracau Mery Ame (3) : Apak Apak Jan Cekeh Maagiah Pujian ka Bini Ndak..!