Caracau Mery Ameh (14) ; Elok di Awak Katuju di Urang

Corona Iyo babayo bana yo gaes. Nyo porakporandakan sendi sendi peradaban kehidupan umat manusia sado e.

Negara nan kayo rayo salamo iko bansek dibueknyo. Nan salamo iko pemimpinnyo ma ogeh dek negaranyo maju, kini haniang ndak talak mancaracu co Murai mau lai.

Didalam nagari awak, khsusus di Pasisir Selatan, antah dek corono ko nan lah mahampai, banyak urang kini nan jadi marabo. Tamasuak aku gaes acok memilin milin paruik aku mancaliak kawan kawan di Facebook komentar dan status nyo.

Duo kubu nan babeda pilihan, kini lah saling mamburuakkan dan menyerang..

Namanya saling menyerang, pastilah ado nan takongkang.

Lah takongkang, jatuah nyo tatilantang. Mancaduak baliak tibo lo tarajang dari balakang. Tasungkua mencium tanah bumi Allah, panek soraman itu sajo lah, ndak ba awa dan berakhie, hanya sakadar di Facebook manjalang Pilkada sudah.

Tapi ado nan mambuek paruik aku marumeh dek kamu gaes…,

Mambaco status kawan, iko contoh nyo gaes a..,

Ado uranng nan ka calon bupati, nyo
mambantu tarang2an .. bakicekan pecintraan ..

Mambantu anok2 ..
bakicekan ” Karajo anok anok tu caro karajo urang nak ka maliang ”

Indak sato mambantu ..
di kicekan ndak bapitih jan cubo cubo jadi calon bupati/wakil bupati.

Yo lalah lai gaaaaaes …
baa kok saliang manyalahkan juo gaes …

Indak itu nan paralu do .. nan kadi pikian apo solusi untuak ma atasi wabah covid 19 ko ..

Caliak lah gaes … pak wali lah bi pucek muko e dek takuik banyak tibo protes tantang data urang nan ka dapek bantuan.

Sadang apak apak nan di ateh marasai kanai bully. Kunun pejabat nan di lantai bawah ko …

Saran aku ka kamu sadoalah e gaes, jan sato lo mancalon bisuak ko. Walau hanyo untuak calon jadi wali nagari.

A sabab e?

Taniayo beko, gaji ketek pangkek randah ..
awak marasai lo kanai upek dan hanyo saketek nan mamuji.

Tapi bedo juo yo, kok indak lo adoh surang juo nan amuah jadi wali …
tu kosong kantua wali.

Sia nan ka mendata awak awak ko lei gaes???

E.., yayai … Binguang aku aku jadi e, kini betu a lah.., Sumbarang awak se lah, pilih nan elok diawak katuju di urang.

Aman nagari ko, bisa menjadi nagari nan baldatun thayyibatun wa rabbun ghafûr….

Baca juga ;

Caracau Mery Ame (13) ; Pakai Kaco Mato Salaweh Dulang Kue Talam