Jangan Pilih Kepala Daerah Petahana Yang Kampanye Menjual Program Pemerintah Pusat

Pekanbaru, PilarbangsaNews.com

“Tiah…., babayo statemen Pak Presiden awak dek ang, ” kata Tam Arang sambil menyeduh (mengacau-ngacau) kopi di dalam gelas dengan sendok teh, yang telah disajikan Mak Gambuang dihadapannya.

“Babayo baa pulo mukasuik waang ko, Tam ?, ” tanya Utiah Kapeh.

“Jadi sabalum Pak Presiden awak melawat ke beberapo negara atas undangan negera yang akan dikunjungi, Presiden Prabawo mengatokan di hadapan wartawan di Jakarta, kepala daerah petahana tidak boleh menjual program pemerintah Pusat dalam kampanye. Jika ada yang menjual program Pusat untuk kepentingan kampanye nyo. Itu pembohong, Kecek pak presiden jangan dipilih,” kata Utiah Kapeh.

“Wa wa walupun i i inyo di di usung partainyo pak Pre Pres Presiden, Tiah? Udin Gagok ikut bertanya.

“TANPA KECUALI. Jan dipiliah, panduto gadang kalau ada Gubenur atau calon bupati petahana nan macam itu, ” Kata Utiah Kapeh.

“Bagi pak presiden sia nan kamanang tak jadi soal di nyo, sabab nan ka manggadang kan partai Gerindra itu indak juo bisa dek pengaruh Gubenur atau bupati nan suko lompek lompek partai. Nan ka mamanangkan Partai Gerindra itu adalah konstituennyo juo nyo, ” Ujang Saga menambahkan.

“Makanya bagi pak presiden siapopun nan ka jadi bupati, tetap akan patuh ka beliau, ” kata Pakie Teliang.

“Takana dek den, program pemerintah pusat itu apo sajo tu Tiah, ” tanya Pak Sunguik menyela.

“Program pemerintah pusat itu macam-macam kini ko nan dinikmati oleh masyarakat awak, diantaranya PKH, Program Bantuan Rehab Rumah Tak Layak Huni, Bantuan untuk korban Bencana Alam, bantuan PIP (Program Indonesia Pintar), dan lain lain, ” kata Utiah Kapeh.
“Pengangkatan tenaga honorer jadi PPPK, itu juo tamasuak, program pemerintah pusat, ” kata Mas Tartok menjelaskan.

“Bantuan Bedah Rumah Tak Layak Huni tu ado juo nan dilaksanakan oleh pemerintah daerah, dulu samaso Hendra joni jadi Bupati, First Lady Pessel Bunda Lisda lah banyak merehabilitasi rumah tak. Layak huni. Jadi yang di maksud oleh Pak Presiden program pemerintah pusat itu yang dibiayai PUPR, ” Tambah Utiah Kapeh.

“Soal P3K, kan pak kepala daerah yang bersangkutan nan ma usulkan, kalau ndak diusulkan dek pak RA, ma bisa sebanyak itu P3K diangkat di Pesisia Selatan itu, ” Kata Ujang Saga.

“Ibarat urang baralek, bupati itu samo jo janang, samo jo urang sumando, fungsinya sebagai pelengkap. Tapi nan punyo alek tetap sipangka. Dalam hal iko sipangka nan dimukasuik adalah Pemerintah pusat. Tapi awak tetap ma ucapkan terima kasih ka inyo. Tapi inyo jan mengecek pulo kok ndak dek ambo P3K ndak bisa diangkek sabanyak itu. Untuk diketahui siapo pun jadi bupati nan P3K itu bisa diangkek sebanyak itu,” Utiah Kapeh menjelaskan.

“Kalau ado calon gubernur atau calon bupati petahana nan mangatokan dek karano kemurahan hatinya mengangkat tenaga honor sekian ribu urang di daerah nyo. Mako bisa dikatokann si calon gubenur atau si calon bupati petahana, tukang alua alua namo nyo tumah. Jan piliah ” kata Pake Telieng.

“Kok ado calon bupati kampanye mengatokan ka massa kampanye nyo; APOKAN KITO TARUIHKAN ANGKEK TENAGA HONORER JADI PPPK. Mako calon bupati itu pancaliah nyo mah. Sabab indak tapaliah bana inyo jadi bupati nan tanago honerer tetap diangkek jadi PPPK asal nan bersangkutan cukup syaratnyo,” Tambah Pakie Teliang.

“Tu kalau kampanye apo nan buliah disampaikan?” Tanya Tanya Arang.

” Visi misi masing-masing lah nan disampaikan, ” jawab Utiah Kapeh.

” Seperti program nagari belajar itu rancak program pak RA tu mah, baitu juo program pemberian baju gratis bagi siswa baru, manambah jumlah Dana Desa, dll tu kalau bana bana bisa diimplementasikan maka baru bisa Pasisir Selatan Rancak. Tapi kalau bantuak nan sudah juo karajo pak RA, 5 tahun lai ka bantuak iko juo kabupaten Pesisir selatan itu ,” Kata Mas Tartok menambahkan.

“Ingek a, kok tapiliah pak RA tu jadi bupati, pilkada sesudah iko liau ndak bisa lai man calon karano lah duo priode. Biasonyo kalau ndk bisa man calon lai, urang ka main patang tumah. Lai paham arti main patang?Tapi, mudah-mudahan pak RA ko inyo lai ndak gisok bana, ” ujar Labai Litak yang selalu saja menilai orang dengan husnudzon.

” Nde angku Labai…., sia kini urang nan bisa jadi malaikat? Selagi gantiang taliyienyo (lehernya) ndak ado nan ndak nio sakunyo dak basangak, pasti ingin basangak, ” kata Utiah Kapeh, seraya menutup ota lamak mareka pagi ini. Dan mereka pun membubarkan diri untuk menekuni pekerjaan masing-masing. (Yuharzi Yunus)