PAK SYAFRIZAL UCOK BALON WAKIL WALIKOTA PADANG?
“Tam…, ang lai kenal samo pak Ucok?” kata Utiah Kapeh memulai ota paginya bersama Tam Arang di Lapau Mak Gambuang, pagi ini.
“Pak ucok Simatupang nan tingga di pangka Jambatan itu?”
“Indak….., ndak pak Uco Simatupang tu doh, pak Ucok Mantan Wakia Bupati Pessel.”
“Kok pak Ucok tu lai, mama si Gigi bini Raffi Ahmad nan acok di TV tu, sanak ibu samo pak ucok tu.”
“Berarti Raffi Ahmad tu urang sumando pak Ucok tu, tu?”
“Iyo…. Ang lai mambaco berita tantang pak Ucok tu?”
“Indak.”
“Den Baco di surek kaba, pak ucok tu ka dicalonkan urang jadi wakia Walikota Padang, mendampingi Buya Mahyeldi Ansharullah,”
“Partai apo nan mencalonkan?”
“Kok itu Yo Ndak tahu den doh. Tapi den raso nan ka mencalonkan mungkin partai Gerindra. Soalnya nan gadang di partai Gerindra tu kan Pak Nasrul Abit. Ang tahu kan Bahaso Nasrul Abit nyo urang awak juo.”
“Tapi walupun urang kampuang, tagak disuku mambela suku, tagak dinagari mambela Nagari. Sebagai urang partai pasti ado hetong hetong. Kecek ang sumbarang sajo?”
“Kok itu lai tahu den saketek mah. Partai tantu akan mamikiakan lai kah ado harapan calon nan diusuang tu bisa ka manang. Kok tipih kesempatan, bia urang kampuang bana, Ndak bisa mengharumkan namo partai pasti ndak ka masuak dalam hetong hetongan.”
“Tapi pak ucok ko garih tangannyo, labiah condong manjadi Plt (Pelaksana tugas), Mulai dari Plt Dharmasraya sampai ka Bupati Mantawai. Bisuak ko antah Plt mano lo nan kadijabatnyo.”
“Kok baitu ancak juo ndak, sabek kalau jadi bupati atau walikota/wakil paralu ado dana kampanye. Kok jadi Plt awak ndak paralu barugi rugi doh, jabatan dapek lo langsung jadi Bupati. Kan rancak tu.”
“Kok baitu bisauk den kalau basuo samo pak ucok tu, den ingekkan supayo jan amuah digadang gadang kan urang jadi wakil Walikotamadya Padang tu lei. Itu hanyo kato kato politik sajo nyo. Jan amuah diao jo karak jarang, pak Ucok,” kato Utiah Kapeh mengingatkan Drs H Syafrizal MM alias Pak Ucok lewat tulisan postingan pak YY Iko..
Lah ngopi pak Ucok????
