“Tam…., kini suko tak suko waang den iyo kabacarito juo satantang Masyarakat IV Jurai dan Ikatan Pemuda IV Jurai nan maminta   hearing samo anggota DPRD Pessel,”  kata Utiah Kapeh memulai pembicaraan pengantar minum kopi pagi mereka di Lapau Mak Gambuang Jumat (21/7).

“Hearing ko apo ko Tiah. Den ndak mangiati bana apo mukasuiknyo doh.”

“Hearing tu Bahaso Inggirih, artinyo percakapan atau mangecek ngecek menyampaikan sesuatu dan sipandanga harus mandanganyo sacaro serius untuk jadi bahan pertimbangan dalam mamutuih sesuatu masalah. Istilah iko kalau di DPR/DPRD digunakan kalau ado UU atau Perda nan kadibuek atau ka disyahkan, sebalumnyo DPR/DPRD harus melakukan hearing kapado lembaga/sejumlah perwakilan massa nan dianggap bisa  maagiah masukan.”

“Kapatang Masyarakat IV Jurai dan Ikatan Pemuda IV Jurai kabanyo membatalkan hearing dengan Dewan Perwakilan Rakyat Daerah (DPRD) kabupaten Pesisir Selatan, karano  hearing itu hanya dihadiri  tiga (3) urang anggota dewan. Tahu bahaso 3 urang Anggota DPRD nan hadir, hearing diundur.”

“Jumlah anggota dewan tu, 45 orang, nan hadir 3, kamano salabiahnyo? Ndak masuak kantua apak apak dewan nan terhormat tu. Kantua lah ancak, pakai kursi babeliang pulo ciek surang tapi masuak kantua maleh juo apak apak?” 

“Bukan maleh. Kapatang memang tak ado jadwal rapek. Makonyo mereka ndak hadir.”

“Tapi ado surek masuak Bahaso kadatang perwakilan Masyarakat IV Jurai dan Ikatan Pemuda IV Jurai.”

“Iyo lai, mungkin ketua DPRD Om Dedi tu lupo maundang anggota nan lain.”

“Patuik lah debaco di media Sutarto Rang Kayo Mulie tokoh masyarakat Painan, agak kesal karano mereka hanyo ditarimo 3 urang anggota.”

“Nampaknyo wacana nan diapungkan dek Om Dedi Rahmanto Putra tu, buntuiknyo jadi panjang yo Tiah? Ndak salah pituah nan tuo tuo doh, mangecek siang caliak caliak-i, mangecek malam danga danga-i. Intinyo harus hati-hati apalagi kalau awak mamikua jabatan publik. Ketua DPRD tu kan jabatan publik.”

“Tapi satantang pun baitu, Om Dedi ko lah minta maaf, nyo sabuikkan wacana  pemindahan ibukota Pesisir Selatan itu murni dari pribadinyo, alun manular ka anggota dewan nan lain.”

“Lah minta maaf,  ndak amuah urang memaafkan? Artinyo tiada maaf bagimu judul lagu Bob Tutupoli nan belakangan pernah dirilis dek Yuni Shara dan menjadi hit baliak lagu tu.”

“Eeiy..lah ka lagu loh lapehnyo mah Tiah.”

“Bialah ndak baa doh, mudah mudahan dengan lagu itu tahibur kaduo belah pihak, menjadi cair suasana, indak tagang saroman nan tajadi kini ko”.

“Hanyo ciek nan den minta ka dusanak dusanak awak, kok tagang jan sampai putuih kok kandua jan taleo. Itu sajo alah mah.” ujar Utiah Kapeh mengingatkan. Mau diperhatikan silahkan gak juga gak apa apa.

Lah ngopi sanak ???

By Pilar