DO’A FACEBOOKER UNTUK BANGSA PALESTINA
“Tam….., sadiah den maliek dusanak dusanak awak di Palestina,” kata Utiah Kapeh pada Tam Arang memulai percakapan mereka di Lapau Mak Gambuang, Mingu pagi (23/7).
“Ba’a sadiahnyo.” tanya Tam Arang.
“Ba’a ndak sadiah dek ang nyo, dusanak dusanak umat Islam di Palestina tu ndak buliah ba-ibadah didalam Musajik Al Aqsa dek tantara zionis Israil doh. Halaman Musajik panuah dek tentara zionis mamacik sanjato nan lah bakokang”
“Kok itu iyo laknatullah urang Yahudi tu mah, sudah lah nyo ambiak tanah Palestina, tu kini ndak buliah deknyo umat Islam Palestina ba ibadah di Musajik tu doh yo.”
“Nan bedonyo di-ang ba’a Tam?”
“Ba’a bedonyo?”
“Nyo larang umat Islam adzan pakai loud speaker.”
“Nde yo kapia sabana kapia urang Yahudi tu yo Tiah,” sela Mak Gambuang yang tak bisa menahan rasa geramnya kepada pemerintah Pendudukan Israel di tanah Bangsa Palestina itu.
“Nde…., Mak Gambuang sato lo bangih yo? Samo Jo kawan kawan nitizen Facebooker, sadonyo mando’akan. Nan ka ditembak patuih lah tantara Zionis tu.”
“Hehehehe.” Utiah Kapeh tertawa.
“Ba’a kok ang galakkan den galinggaman ka urang Yahudi tu Tiah.” tanya Mak Gambuang.
“Ingin tau Mak Gambuang apo nan den galakkan?”
“Iyo.”
“Di kampuang awak ko ndak ado Tantara Yahudi nan malarang awak Sumbayang, adzan pakai Loud Speaker pulo bagai, tapi awak maleh juo pai ka musajik sholat bajamaah. Kunun kok bantuak di Palestina tu awak. Tambah lamak lalok tak tasintak sholat Subuh lei dan Mungkin tambah balawa ruangan Musajik awak ndak Tam.”
“Iyo lo mah Tiah.”
“Oooo.., patuik lah do’a kawan kawan pak YY di Facebook tu Ndak mukabuah doh untuk tentara Yahudi tu, karano nyo mando’akan dusanak dusanak di Palestina, hanyo di Facebook sajo. Cubo kalau rami Musajik bado’a didalam Musajik tu, mungkin akan dikabuakan dek Allah SWT.”
“Iyo, pulo mah Tiah.” kato Mak Gambuang setelah mengembalikan kelebihan uang beli kopi yang dibayar oleh Tam Arang.
Seperti biasa setelah kopi habis diminum, Tam Arang dan Utiah Kapeh meninggalkan Lapau Mak Gambuang, menuju sawah mereka.
