BADAI MUTASI BAKAL TERJADI, PEJABAT CEMAS
“Tam…, waden mandanga para pejabat di Kabupaten Dharmasraya dan di Kabupaten Pesisir Selatan, kini dadonyo badabok dabok, ” kata Utiah Kapeh kepada Tam Arang, di kedai minuman dipojok gedung salah satu rumah sakit di kota Pakanbaru, pagi Jum’at (11/8).
“Badabok dabok ba’a pulo, Tiah?” tanya Tam Arang benar benar tidak mengerti dengan maksud Utiah Kapeh.
“Karano akan tajadi badai mutasi kamalendo kaduo kabupaten itu,”
“Badai mutasi tu apo,Tiah?”
“Onde Mandeh…., waang kadang buntu pangana ang tu yo Tam, Jo mutasi yang ndak tahu?”
“Sabananyo den tahu istilah mutasi tapi dek karano ang tambah pakai badai, den jadi ragu, fenomena alam apo tu?”
“Iko bukan fenomena alam nan ka den caritokan ka ang doh, bukan manyangkuik ilmu geografi, tapi manyangkuik soal kepala OPD nan mambantu Bupati atau Walikota.”
“Trus mukasuiknyo apo tu, kok pakai badai pulo istilahnyo ang sabuik ?”
“Iyo…, akan ado pejabat atau kepala OPD nan ka dipindahkan menjadi Kepalo Dinas baru, atau nan ka ditanggakkan samantaro.”
“Ditanggakkan th mukasuiknyo, dibarantian?”
“Batuah buangeet.”
“Buangeet tu a mukasuiknyo, Tiah?”
“Batuah buangeet tu artinya batuah bana, ndak maleset agak sameli juo doh, tatakok. tapek bana takok ang, itu mukasuiknyo.”
“Jadi kini badabok dabok dado Kapalo OPD nan sadang menjabat?”
“Iyo lah…, raso ka diangkek dan raso kaditanggakkan dek Bupati.”
“Ow..Yo ndak, Tiah. Itu hak Bupati untuk mamiliah pambantu pambantunyo.”
“Nan kadipiliah Bupati tu adolah urang urang hebat, hebat dan rajin bakarajo, disukai anak buah dan jujur sarato loyal ka pimpinan.”
“Hebat dan pintar bana, tapi kok indak loyal, tak akan baguno doh.”
“Kurang kurang sakatek pandainyo bisa ditukuak, tapi kalau loyal tu susah manumbuahkannyo.”
“Loyal tu ba’a mukasuik nyo, Tiah?”
“Loyal tu, namuah pasang badan katiko pimpinan disalahkan dek urang. Misalnya ado sebuah kebijakan Bupati nan diprotes urang, lalu Kapalo Dinas tu nyo tampil pasang badan bahaso inyo nan batangguang jawab.”
“Ow…tu apo lei maksudnya?”
“Pasang badan sajo ndak cukuik, anak buah nan loyal tu nyo bisa manyalasaikan konplik nan tajadi di dinas nan dipimpinnnyo.”
“Kalau ndak macam itu ba’a, Tiah?”
“Kalau ndak macam tu pacuma sajo nyo diangkek, urang jadi Bupati tu barugi, bamiliar modalnyo, tu nyo kasanang sanang sajo menikmatinya. Nan kalamak dek nyo sajo tu mah. Mutasikan kapan paralu Jan dipakai kok ado macam itu.”
“Onde karehnyo ang Lei.. Untuang bana ang Ndak jadi Bupati. Kok jadi Bupati ang baranti kan urang ko sadonyo yo Tiah?.”
“Iyo lah….,” kata Utiah Kapeh sambil menghirup Teh Talua. Pagi ini Tam Arang dan Utiah Kapeh, ditingkatkan menu minuman paginya oleh pak YY karena mereka semalam kurang tidur, harus “batanggung” menjaga menantu pak YY habis menjalani operasi Casio. Cucu pak YY bertambah seorang lagi… Alhamdulillah…
