Ermizen Ditunjuk Jadi Ketua DPRD Pessel? “Kalah Kuaso Dek Mujua”
“Tam…, den heran ka patang mambaco postingan Facebook Uda Saidal,” kata Utiah Kapeh pada Tam Arang sambil menuangkan kopi dari gelas kedalam piring tadah, setelah Mak Gambuang menyodorkan kopi pada Utiah Kapeh.
Sebelum tanya Utiah Kapeh dijawab olehTam Arang, Mak Gambuang bertanya; “Kopi Tam, steng juo amak buekkan atau ciek. “
“Steng juo lah Mak,” jawab Tam Arang langsung menjawab pertanyaan Mak Gambuang.
”Sajak pulang dari Malaysia ko, lah steng steng sajo kalian minta kopi. Indak manih kopi amak lei? “ pancing Mak Gambuang.
“Bukan tak manih Mak, tapi sajak den muantow ka Kolang (Kelang- Malaysia-pen), lah jarang minum kopi manih, den di Kolang tu minum teh saban pagi dan sarapan samo roti canai, di kadai Mamak,” ujar Tam Arang.
“Ado ba mamak ang disitu? Setahu den mamak ang tak ado muantow ka Kolong tu, “ kata Mak Gambuang heran.
“Mamak di Malaysia itu inyo adalah urang kaliang. Warga Malaysia ka apak apak urang India atau urang Pakistan, ba mamak ka inyo.”
“Ow.., baetu? ” kato Mak Gambuang melongo.
“Tiah.., tadi ang tanyo ka den tentang Saidal, sia uda Saidal tu? Urang mano beliau? “
“Indak kenal ang samo liau? Beliau anggota DPRD Sumbar 2014-2019. Urang awak dari Suantiah. Kini kalau diumpamokan oto jadi anggota DPRD Sumbar itu, oto uda Sidal lagi tagak, liau gagal tapiliah jadi anggota DPR-RI 2019-2024 ” Utiah menjelaskan.
“Ndak kenal den samo beliau doh. A…, taruih apo isi postingan FB beliau itu? “
“Iko den copyan nan beliau tulis itu a; “Parpol sebagai Pilar Demokrasi,
Apa ditubuh Parpol tsb
Ada Demokrasi..?”
“Apo mukasuik beliau tu? Madok ka ma kato kato itu?” tanya Tam Arang tak memahami.
“Den juo tak mangiati, kok ka Golkar tak mungkin sabab beliau kader nan tahan uji militansi dan integritasnyo. Sebaiknya tanyokan langsung ka liau, buliah dapek jawaban lengkap awak.”
“Sia nan kabatanyo, den ndak kenal samo uda tu doh, kabanyo kawan pak YY uda tu. Cubo kito minta tolong ka pak YY menanyakan.”
“Bekolah, kalau lah basuo kito samo pak YY itu, kini awak duga duga sajo dulu ba’a?”
“Tapi den tak barani manduga-duga , beko hoax jatuhnya.”
“Kalau ndak batuah dugaan awak tantu iyolah jatuhnya hoax, ” Utiah Kapeh menimpali.
“Tapi den yakin itu urusan politik partai mah.”
“Apo ado ndak hubungannyo dengan carito Ketua DPRD Pesisir Selatan?”
“Baa Ketua DPRD Pessel tu? Sia jadinyo nan diusulkan oleh DPD PAN Pessel. Lai jadi diusulkan namo Novermal Yuska, Darwiadi dan Kusmanto?
“Kalau ditanya k den, sia sia nan diusulkan tu, den tak tahu de, sabek mulai dari rapek, sia nan ka diusulkan sampai mangarang surek usulan. Kemudian surek itu diantakan pulo ka jakarta dan sia sia maatakannyo, tak lo ado ketua DPD PAN Pessel tu malapor ka den doh.”
“Wang sia dan jadi apo ang, kok ka waang lo ketua DPD PAN Pessel, Yul Afnedi Chaniago tu malapor.”
“Karano den tak jadi apo apo mangko Uda Yuli tu nyo tak malapor, cubo den nan jadi ketua DPD PAN Sumbar, pasti nyo koordinasikan samo den sia sia namo nan dikirimkan untuak di pilih salah satu dari namo n diusulkan itu.”
“Tapi hebat yo Tiah? “
“A.., nan hebat maksud ang ? ”
“Baru kini ko nyo mancubo duduak jadi anggota DPRD langsung jadi ketua sementara, dan sudah tu langsung pulo jadi Ketua bana. Samantaro dua kawannya nan lain, Darwiadi samo Kusmanto bisa nyo langkahi dek uda Ermizen SPd itu. Kan hebat tu a?”
“Ermizen tu baranyo bisa mengumpuakan suaro?, Darwiadi dan Kusmanto bara pula?”
“Den caliak data KPU Pessel, Ermizen 1790, Darwiadi 2132 dan Kusmanto mangumpuakan suaro sebanyak 2298.”
“Memang hebat, kalau ratak tangan ado disinan. Pepatah.mangatokan juo, Kalah Kuaso Dek Mujua.”
“Namun untuk manjawek baa Ermizen bisa jadi ketua, den tak berani berkomentar. Den takuik salah. Ancak wak tanyo ka uda Yul Afnedi Chaniago, apo bana pertimbangan sahinggo, pusat menujuk Ermizen jadi ketua DPRD Pesisir Selatan.”
“Kok kito nan kabatanyo tantu tak mungkin juo de, Cubo kito suruah pak YY batanyo ka uda Yul Afnedi Chaniago itu, kabanyo uda Yul itu ado sangkut samo pak YY?” Siap mengatakan ini Tam Arang dan Utiah Kapeh menyeruput sisa kopinya, kopi dalam gelas tadadak dan merekapun minta permisi ke Mak Gambuang dan pada pelapau lainnya untuk kembali ke rumah masing masing. (****)
Baca juga;
