OTA TAM ARANG RAUN SABALIK
“Nde Tam.., heran den mancaliak Ibu Ketua TP-PKK Pessel tu?” kata Utiah dipematang sawah sambil beristirahat setelah “basiang” (membersihkan rumput disekitar tanaman padi) sore ini Senin (31/7).
Tadi pagi Tam Arang dan Utiah Kapeh alfa hadir di Lapau Mak Gambuang, karena mereka kebetulan harus menuntaskan pekerjaan “basiang” mereka.
“Sia nan ang mukasuik Ketua TP-PKK Pessel tu, Tiah.”
“Ndak tahu ang?”
“Indak.”
“Onde yo lah tengak bana ang yo Tam. Lah tiok hari kalua di berita Online maupun Facebook, ibuk ketua Tp-PKK, nan waang ndak juo kenal sia nan ketua TP-PKK. Ibu Lisda.”
“Ow ibu Lisda. Ba’a lo den ndak kenal samo liau tu, bini pak Bupati awak mah. Sudah lah rancak murah pulo senyum, batambah kamek dek lasuang pipik liau tu Tiah.”
“Aaaa.. Batuah mah, den mangko heran. Baru malam Minggu tarimo penghargaan sebagai wanita yang menonjol dalam kegiatannyo mengabdi ka masyarakat, kini lah sibuk pulo nyo baliak.”
“Iyo tadi den danga, sabalum ibuk tu maantakan kursi roda kapado 2 urang anak nan lumpuh di Bayang dan Batang Kapeh, di rumah dinas Bupati, ado kegiatan pulo.”
“Apo kegiatan nyo tu. Ang bantuak nan tahu bana mah apo apo kegiatan dari Ibuk Bupati itu.”
“Den nyo baco di status Facebook Pak Roby Harapan Mande tadi Ibu Bupati maundang “makan siang” atlit Paralayang nan juara III dunia perorangan itu ditambah maundang pebasket SMA 2 Painan.”
“Jadi walupun Ndak dapek juara, nyo undang juo makan dirumah dinas pak Bupati dek bini Bupati tu yo Tiah?”
“Iko lah istimewa nyo ibu Lisda Rawdha tu, alah rancak, Budi nyo baik pulo, tahu atau peduli samo urang nan bansek bansek sarupo awak ko.”
“Sia nan bansek di-ang.. Waden jan lah yaau ang katokan lo bansek lai. Den kayo walupun den ndak ba oto ancak, bantuak kawan pak YY tu.”
“Sia kawan pak YY nan ba oto ancak?”
“Banyak. Diantaronyo Pak Novrial Anas , baoto Mer-C nyo mah, antah oto Cadillac ado juo mungkin.”
‘E….marancah sae ota awak kini yo Tam, dari Buk Lisda lah sampai Lo ka Yan Anas. Pak Etek Agus Chaniago Ndak ang sabuik Lo?”
Heheheh… Ke lah pulang Wak Lei. Hari lah mulai sanjo…
